ვულკანური ფერფლი: განსხვავება გადახედვებს შორის

'''ვულკანური ფერფლი''' — [[ლავა|ლავის]] პატარა ნაწილაკები, ცალკეული [[მინერალი|მინერალებისა]] და ზოგჯერ [[ქანი (გეოლოგია)|გარეშე ქანების]] ნატეხები, რომლებიც გამოიყოფა [[ვულკანი]]ს ამოფრქვევისას. წარმოადგენს პიროკლასტურ მასალას, ანუ [[ტეფრა]]ს. ძლიერი ამოფრქვევის დროს ვულკანური ფერფლი დიდ მანძილზე ვრცელდება და ზოგჯერ [[სტრატოსფერო]]ს მაღალ ფენებში აზიდულია წვრილი ფერფლის სახით, რომელიც იწვევს განსაკუთრებულ მოვლენებს: მანათობელ ღამის ღრუბლებს, ბიშოპის რგოლებსა და სხვა. აგრეთვე ოპტიკური ფენომენის [[ჰალო]]ს გამომწვევია. შედგება ფერფლისა და ქვიშის ნაწილაკებისაგან, რომელთა [[დიამეტრი]]ა 2 მმ. შესუნთქვისას წარმოადგენს დიდ საშიშროებას [[ადამიანი]]სა და [[ცხოველები|ცხოველებისათვის]]. ვულკანური ფერფლი სახიფათოა აგრეთვე [[თვითმფრინავი|თვითმფრინავებისათვის]]. აფერხებს საჰაერო მიმოსვლებს. მდიდარია მიკროელემენტებით, რის გამოც ვულკანთან არსებული [[ნიადაგი]] მეტად ნოყიერია. მაგალითად, [[ვეზუვი]]სა და [[ეტნა|ეტნის]] მიდამოებში განვითარებულია [[სოფლის მეურნეობა]]. ქმნის მტკიცე მარკირებულ ჰორიზონტებს. ასე მაგალითად, ვულკან [[ბეზიმიანი]]ს ამოფრქვევისას ვულკანური ფერფლი [[დიდი ბრიტანეთი|დიდ ბრიტანეთამდე]] მივიდა, ხოლო [[კრაკატაუ]]ს [[1883|1883 წლის]] ამოფრქვევის დროს წამოსულმა ვულკანურმა ფერფლმა დედამიწას თითქმის ორჯერ შემოუფრინა. ვულკანური ფერფლის ეს თავისებურება გამოიყენება [[სტრატიგრაფია (გეოლოგია)|სტრატიგრაფიაში]] (ქანის ფენების კორელაციის ტეფროქრონოლოგიური მეთოდი). [[ვულკანი|ვულკანები]] ყოველწლიურად საშუალოდ ისვრიან 3•10⁹ ტ ვულკანურ ფერფლს. ვულკანურ ფერფლს იყენებენ მსუბუქი ბეტონის დასამზადებლად, სითბოიზოლაციის მასალებისათვის და სხვა.