ვესტ ჰემ იუნაიტედი (საფეხბურთო კლუბი): განსხვავება გადახედვებს შორის

 

უმაღლეს ლიგაში დაბრუნებისთანავე ვესტ ჰემმა ყოფილ ფეხბურთელებს, [[ჯეიმს კოლინსი|ჯეიმს კოლინსსა]] და [[ჯორჯ მაკარტნი|ჯორჯ მაკარტნის]] კონტრაქტები გაუფორმა. ამასთან ერთად, გუნდში რეკორდული თანხის სანაცვლოდ მოვიდა მეთ ჯარვისი [[ვულვერჰემპტონ უონდერერსი|ვულვერჰემპტონ უონდერერსიდან]] და [[ენდი კეროლი]] იჯარით [[ლივერპული|ლივერპულიდან]]. სეზონის პირველი მატჩი 2012 წლის 18 აგვისტოს ვესტ ჰემმა [[კევინ ნოლანი|კევინ ნოლანის]] გოლის წყალობით [[ასტონ ვილა|ასტონ ვილასთან]] 1–0 მოიგო. სეზონის პირველი წრის მთავარი მოვლენა საკუთარ მოედანზე ევროპის მოქმედი ჩემპიონის, [[ჩელსი|ჩელსის]] 3–1 დამარცხება იყო, რითაც ელერდაისის შეგირდები მე–8 პოზიციაზე გადავიდნენ. 2013 წლის 22 მარტს ვესტ ჰემმა მიაღწია შეთანხმებას და 99–წლიანი იჯარის წესით მოიპოვა [[ლონდონის ოლიმპიური სტადიონი]], რომელიც მათი საშინაო არენა 2016–17 წლების სეზონიდან გახდება. ცხრა საშინაო და მხოლოდ სამი გასვლითი გამარჯვებით ვესტ ჰემმა 2012–13 წლების სეზონში მე–10 ადგილი დაიკავა, თუმცა გასვლით მატჩებში ლიგაში ყველაზე ცოტა, 11 გოლი გაიტანა. 2013 წლის ივნისში გუნდმა კიდევ ერთხელ დაამხო საკუთარი სატრანსფერო რეკორდი და 15 მილიონი ფუნტის სანაცვლოდ [[ლივერპული|ლივერპულისაგან]] [[ენდი კეროლი]] გამოისყიდა, რომელსაც 6–წლიანი კონტრაქტი გაუფორმა.