ჯონ ბირჩის საზოგადოება

ჯონ ბირჩის საზოგადოება (ინგლ. „John Birch Society“) — ამერიკული მემარჯვენე პოლიტიკური გაერთიანება, რომელიც მხარს უჭერს ანტიკომუნიზმს, სახელმწიფო ზეგავლენის შესუსტებას, კონსტიტუციური რესპუბლიკის ფორმას და ნების თავისუფლებას. ამერიკულ პოლიტიკურ სპექტრში ეს გაერთიანება ითვლება რადიკალ-მემარჯვენე ფრთის ერთ-ერთ ძირითად წარმომადგენლად.

ჯონ ბირჩის საზოგადოება დაარსდა 1958 წელს, ქალაქ ბელმონტში (მასაჩუსეტსი, აშშ). დღეისათვის საზოგადოების შტაბ-ბინა მდებარეობს ქალაქ გრანდ ჩიუტეში (უისკონსინი, აშშ).