გლიკოგენი: განსხვავება გადახედვებს შორის

'''გლიკოგენი''' — (C6H10O5) ცხოველური [[სახამებელი]] , ძირითადი სამარაგო [[ნახშირწყალი]] [[ადამიანი|ადამიანსა]] და [[ცხოველები|ცხოველებში]]. გვხვდება აგრეთვე ზოგიერთ [[ბაქტერია]]ში, [[საფუარი სოკოები|საფუვრებსა]] და [[სოკოები|სოკოებში]]. განსაკუთრებით მაღალია მისი შემცველობა [[ღვიძლი|ღვიძლში]] (3-5%) და [[კუნთები|კუნთებში]] (0,4-2%). აღმოაჩინა ფრანგმა ფიზიოლოგმა კლოდ ბერნარმა (1857). გლიკოგენი ჰომოპოლისაქარიდია და შედგება 6-20 ათასი და მეტი α-D გლუკოზის ნაშთისაგან. მისი მოლეკულა განშტოებულია; დაუტოტავი ჯაჭვის სიგრძე საშუალოდ გლუკოზის 10-14 ათასი ნაშთისაგან შედგება. გლიკოგენი თეთრი ამორფული ფხვნილია. მისი ხსნარი პოლიდისპერსიულია, ხასიათდება ოპალესცენციით, ოპტიკურად აქტიურია, იოდით იისფერ-მოყავისფროდან იისფერ-მოწითალოდ იღებება. ორგანიზმში ორი გზით იშლება. მისი ჰიდროლიზური დაშლა იწყება პირის ღრუში საჭმლის მონელების პროცესში ამილაზის ზემოქმედებით და მთავრდება წვრილ ნაწლავებში. წარმოიქმნება დექსტრინები, შემდეგ მალტოზა და გლუკოზა.