ლუვიელები: განსხვავება გადახედვებს შორის

'''ლუვიელები''' — [[ინდოევროპული ტომები]], ცხოვრობდნენ [[ძვ. წ. II ათასწლეული|ძვ. წ. II ათასწლეულში]] [[მცირე აზია|მცირე აზიის]] ([[ანატოლია|ანატოლიის]]) სამხრეთ და სამხრეთ-დასავლეთში, რაც დასტურდება [[ხეთური ენა|ხეთური]] [[ლურსმული დამწერლობა|ლურსმული]] წყაროების მონაცემებითა და თვით [[ლუვიური ენა|ლუვიურ ენაზე]] შედგენილი ლურსმული ტექსტებით (რომლებიც [[ბოღაზქოის არქივი|ბოღაზქოის არქივმა]] შემოინახა). ლაპარაკობდნენ ლუვიურ ენაზე, რომელიც [[ხეთური ენა|ხეთურ]] და [[ფალაური ენა|ფალაურ]] ენებთან ერთად განეკუთვნება [[ინდოევროპულ-ანატოლიური ენები|ინდოევროპულ-ანატოლიურ ენათა]] ჯგუფს. ლუვიელების შექმნილი უნდა იყოს „ხეთური იეროგლიფური“[[იეროგლიფები|იეროგლიფური]]“ დამწერლობა. ლუვიურისა და [[ლიკიური ენა|ლიკიური ენების]] ახლო ნათესაობის გამო ლუვიელებს მიიჩნევენ ლიკიელთა წინაპრებად. ლუვიელები მისდევდნენ მესაქონლეობას, მიწათმოქმედებას, ხელოსნობას. ლუვიურ საზოგადოებაში ადრევე გაჩნდა სოციალური დიფერენციაცია. ლუვიურ პანთეონს ქმნიდნენ: ამინდის ღვთაება თარხუნთი, მთვარის — არმა, ღვთაებები დათა, სანთა და სხვა.