ბეშქენ I ჯაყელი: განსხვავება გადახედვებს შორის

'''ბეშქენ I ჯაყელი''', — სამხრეთ საქართველოს წარჩინებული ფეოდალი XI საუკუნის შუა წლებში. წყაროებში მოხსენებული პირველი [[ჯაყელები|ჯაყელი]]. [[თუხარისი|თუხარისის]]ს (ციხე-ქალაქი ტაოში) ერისთავი, [[ჯაყის ციხე|ჯაყის]] (ციხე სამცხეში) მემამულე. სავარაუდოა, რომ მასვე ეკუთვნოდა სამცხის უძველესი ადმინისტრაციული ცენტრი - ციხე-ქალაქი [[ოძრხე]].

ჯაყელმა [[ფარსმან თმოგველი|ფარსმან თმოგველთან]] ერთად მხარი დაუჭირა [[ლიპარიტ IV]] ბაღვაშს საქართველოს მეფის [[ბაგრატ IV (საქართველოს მეფე)|ბაგრატ IV-ის]] (1027-1072) წინააღმდეგ ბრძოლაში. სამცხის მეორე დიდმა ფეოდალმა [[სულა კალმახის ერისთავი|სულა კალმახის ერისთავმა]] კი (სამხრეთ საქართველოს სხვა ფეოდალებთან ერთად) მეფეს უერთგულა და შეპყრობილი ლიპარიტი მიჰგვარა. ჯილდოდ ბაგრატ IV-მ მას უწყალობა ოძრხე და [[ციხისჯვარი (ციხესიმაგრე)|ციხისჯვარი]]. ამის შემდეგ [[ციხისჯვარელები|ციხისჯვარელთა]] საგვარეულო ეცილება ჯაყელებს პირველობას სამცხეში. მიუხედავად ამისა, ჯაყელებმა, როგორც ჩანს, ამის შემდეგაც შეინარჩუნეს თავიანთი წარჩინებული მდგომარეობა და ჯაყის მფლობელობა XII საუკუნის 80-იან წლებამდე.