ლიმფოციტები: განსხვავება გადახედვებს შორის

'''ლიმფოციტები''' — [[სისხლი]]ს უფერო [[უჯრედი|უჯრედები]]ს, [[ლეიკოციტები]]ს ერთ-ერთი ფორმა. ლიმფოციტები მომრგვალო, 4,5-18 მკმ დიამეტრიანი უჯრედებია, რომელთაც აქვთ დიდი, მკვრივი, მრგვალი ბირთვი, მცირე რაოდენობის ბაზოფილური, ორგანოიდებით ღარიბი [[ციტოპლაზმა]], სადაც არასოდეს არ არის სპეციფიკური მარცლები. ლიმფოციტების 90-95%-ს შეადგენენ პატარა ლიმფოციტები, დანარჩენს კი საშუალო და დიდი ლიმფოციტები. პატარა ლიმფოციტს შორის, შესაძლოა, რამდენიმე სახის უჯრედებია, რომელთა ნაწილს შეიძლება ჰქონდეს სხვა ლიმფოციტად, და, საერთოდ, სისხლის ყველა უჯრედებად, აგრეთვე შემაერთებელი ქსოვილის უჯრედებად დიფერენცირების უნარი. ლიმფოციტები უმთავრეს როლს თამაშობენ [[იმუნოლოგიური პროცესი|იმუნოლოგიურ პროცესებში]], სხვა უჯრედებს აწვდიან საკვებ და [[პლასტიკური ნივთიერებები|პლასტიკურ ნივთიერებებს]]. ლიმფოციტები წარმოიქმნებიან თავდაპირველად [[ძვლის წითელი ტვინი|ძვლის წითელ ტვინში]], საიდანაც გადადიან [[მკერდუკანა ჯირკვალი|მკერდუკანა ჯირკვალში]], შემდეგ კი ლიმფურ ორგანოებში, სადაც ინტენსიურად მრავლდებიან.