მკითხველთა ფართო წრეებში ჰიუგო თავისი [[რომანი (პროზა)|რომანებითაა]] ცნობილი. პირველი რომანი, ბუგ„ბუგ-ჟარგალიჟარგალი“ 16 წლისამ დაწერა, ბოლო, ოთხმოცდაცამეტი„ოთხმოცდაცამეტი წელი“ კი 72 წლის ასაკში. შედარებით ადრე დაწერილი რომანები, მათ შორის პარიზის ღვთისმშობლის ტაძარი, [[ისტორია|ისტორიულ]] რომანებს განეკუთვნება, თუმცა [[სკოტი, უოლტერ|სკოტის]] რომანებისგან განსხვავებით ჰიუგოსთან ისტორიის მიღმა ყოველთვის აწმყოზეა ლაპარაკი. გაცილებით რთულია სიკვდილმისჯილის უკანასკნელი დღისა და კლოდ გეს კლასიფიცირება. ესენი უფრო ისტორიულ-სოციალურ რომანებს ეკუთვნის, რომლებშიც ავტორი სიკვდილით დასჯის წინააღმდეგ ილაშქრებს. სოციალურ პრობლემატიკას ეხება საბრალონიც, რომლის ფენომენალურმა წარმატებამ კრიტიკოსებში გაკვირვებაც კი გამოიწვია. ამ უზარმაზარ ნაწარმოებში ერთადაა თავმოყრილი [[მელოდრამა]], რეალისტური სურათები და დიდაქტიკური [[ესე]]. მისი პერსონაჟები და მათი ცხოვრება დღეს უკვე [[მითი|მითების]] სიმაღლეზეა აყვანილი. [[1874]] წელს დაწერილი ოთხმოცდაცამეტი საბოლოოდ აკონკრეტებს ჰიუგოსათვის ერთ-ერთ ყველაზე მნიშვნელოვან თემას - [[საფრანგეთი]]ს [[რევოლუცია|რევოლუციის]] გადამწყვეტ როლს [[პოლიტიკა]]ში, საზოგადოებასა და [[ლიტერატურა]]ში.