''' ხერკი''' — ისტორიულ-გეოგრაფიული რეგიონი აღმოსავლეთ საქართველოში, შუა საუკუნეების ადმინისტრაციული ერთეული -— ხევი (იგივე თემი) [[არაგვი|მდინარე არაგვის]] დინების სამხრეთით მარცხენა მხარეს (ახლანდელი [[მცხეთის მუნიციპალიტეტი|მცხეთისა]] და [[დუშეთის მუნიციპალიტეტი|დუშეთის მუნიციპალიტეტების]] ტერიტორიის ნაწილი). ხერკი იგივე საგურამოს ან თეზმის ხევია. [[ვახუშტი ბატონიშვილი|ვახუშტი ბატონიშვილის]] ლოკალიზაციით აღმოსავლეთით საზღვრავდა ერწოს მთა, სამხრეთით — ზედაზნის მთა, ჩრდილოეთით — ნიკორნა-ბოკოწანს შორის მდებარე მთები, დასავლეთით — [[არაგვი|მდინარე არაგვი]]. ხერკის ცენტრი იყო ზედაზნის ციხე. ანტიკურ ხანაში ხერკი მუხრანთან ერთად მცხეთის „სამოქალაქოს“ (მცხეთის საგამგებლო რეგიონი) ქმნიდა. შუა საუკუნეებში ხერკზე გაბატონება გარკვეულად ცვლიდა მიმდებარე პოლიტიკური ერთეულთა პოლიტიკურ მდგომარეობას. XII დასაწისში [[დავით IV|დავით IV აღმაშანებელმა]] ზედაზენი და ხერკი სამეფო ხელისუფლებას დაუმორჩილა, რამაც აუცილებელი გახადა კახეთის სამეფოს გაუქმება და ერთიანი საქართველოს შემადგენლობაში შესვლა.
==ლიტერატურა==
*''გვასალია ჯ.,'' აღსამოსავლეთ საქართველოს ისტორიული გეოგრაფიის ნარკვევები, თბ.,ნ 1983;
