კარლ ლინე: განსხვავება გადახედვებს შორის

[[1762|1762 წელს]] კარლ ლინე აირჩიეს პარიზის მეცნიერებათა აკადემიის წევრად (იგი იყო აგრეთვე ლონდონის სამეფო სამეცნიერო საზოგადოების, ბერლინის, პეტერბურგისა და სხვა აკადემიების წევრი). მცენარეთა და ცხოველთა უნივერსალური კლასიფიკაციური სისტემა ლინემ გამოაქვეყნა [[1735|1735 წელს]]. მცენარეთა და ცხოველთა კლასიფიკაციის ერთეულად მას მიაჩნდა [[სახეობა]]. სახეობას ლინე უწოდებდა ისეთი ინდივიდების ერთობლიობას, რომლებიც ეჯვარებიან ერთმანეთს და ნაყოფიერ შთამომავლობას იძლევიან. მსგავს სახეობებს იგი აერთიანებდა [[გვარი (ბიოლოგია)|გვარებად]], გვარებს — [[რიგი (ბიოლოგია)|რიგებად]], რიგებს — [[კლასი (ბიოლოგია)|კლასებად]]; სახეობის შიგნით გამოყოფდა სახესხვაობებს. გამრავლების ორგანოთა აგებულების თავისებურებების საფუძველზე ლინემ [[მცენარე]]ები 24 კლასად დააჯგუფა. [[ყვავილოვანი მცენარეები]] მტვრიანებისა და ბუტკოების რაოდენობის, ზომის, ფორმის და განლაგების მიხედვით 23 კლასად დაყო; 24-ე კლასში გააერთიანა [[გვიმრები]], [[ხავსები]], [[წყალმცენარეები]] და [[სოკოები]].