'''ლევ ტროცკი''' ([[რუს.]]: {{lang-ru|Лев Давидович Троцкий); დ. (*[[26 ოქტომბერი]]/[[7 ნოემბერი]], [[1879]], იანოვკა, [[უკრაინა]] –— გ. [[21 აგვისტო]], [[1940]], [[მეხიკო]], [[მექსიკა]]), დაბ. ''ლევ დავიდოვიჩ ბრონშტეინი'' (Лев Давидович Бронштейн) --— ბოლშევიკი რევოლუციონერი და [[მარქსიზმი|მარქსისტი]] თეორეტიკოსი. ადრეული [[სსრკ|საბჭოთა კავშირის]] გავლენიანი პოლიტიკოსი, როგორც თავდაპირველად საგარეო საქმეთა სახალხო კომისარი, შემდეგ კი როგორც [[წითელი არმია|წითელი არმიის]] დამფუძნებელი, მისი მეთაური და ომის სახალხო კომისარი. ასევე [[პოლიტბიურო|პოლიტბიუროს]] დამფუძნებელი წევრი. 1920-იან წლებში [[სტალინი|სტალინთან]] პოლიტიკური უთანხმოების გამო ტროცკი კომუნისტური პარტიიდან გარიცხეს და საბჭოთა კავშირიდან გააძევეს; მოგვიანებით [[მეხიკო]]ში ყოფნისას მოკლულ იქნა საბჭოთა აგენტის [[რამონ მერკადერი]]ს მიერ ყინულის სატეხი ცულით. ტროცკის იდეები [[ტროცკიზმი|ტროცკიზმის]] კომუნისტური თეორიის ბაზისია და ტროცკიზმი დღემდე რჩება კომუნისტური იდეოლოგიის ერთ-ერთ მთავარ სკოლად, რომელიც მნიშვნელოვანწილად განსხვავდება სხვა მარქსისტული პოლიტიკით გამსჭვალული სტალინისა და [[მაო ძედუნი|მაო ძედუნის]] თეორიებისგან.
