'''ლებანი''' (cotyledones), — [[მცენარეები|მცენარის]] პირველი [[ფოთოლი]], რომელიც წარმოიქმნება [[თესლი|თესლში]] ჩანასახის ჯერ კიდევ არადიფერენცირებულ სხეულზე. მომდევნო ფოთლებისაგან (რომლებიც წარმოიქმნებიან [[ყლორტი]]ს კონუსზე) განსხვავდება ფორმით, აგებულებით და ზოგჯერ ფუნქციითაც კი, [[შიშველთესლოვანები|შიშველთესლოვან მცენარეებს]] 2-დან 15-მდე ლებანი აქვს, [[ორლებნიანნი|ორლებნიანებს]] — 2, [[ერთლებნიანები|ერთლებნიანებს]] 1. ლებანში ლაგროვილია საკვები სამარაგო ნივთიერება. ზოგი მცენარის (მაგ. [[ლობიო]]ს) თესლის გაღივების შემდეგ ლებანები მიწის ზემოთ ამოდის, მწვანდება და დროებით მწვანე ფოთლების ფუნქციას ასრულებს. [[ბარდა|ბარდის]], [[მუხა|მუხის]], [[კაკალი|კაკლისა]] და სხვათა ლებანი გაღივებისას ნიადაგშივე რჩება და სამარაგო ნივთიერებების გამოლევის შემდეგ კვდება.
