ფავნელები: განსხვავება გადახედვებს შორის

ფავნელების მამულები მდებარეობდა [[თეძმის ხეობა]]ში. საგვარეულო პირველად იხსენიება დღემდე მოღწეულ უძველესი ქართული დოკუმენტში „ნასყიდობის დაწერილი ფავნელისა მღვიმის მონასტრისადმი“ (IX-X სს.), რომელიც შემორჩენილია XIII საუკუნის პირის სახით. მისი ცნობით, ფავნელებს მონაწილეობა მიუღიათ ქართველების მიერ [[ბარდავი]]ს დალაშქვრაში. ბრძოლაში ფავნელის ერთი ვაჟი დაღუპულა, მეორე ტყვედ ჩავარდნილა, მესამე სახლში გარდაცვლილა. გარდაცვლილთა სულის დასაურვებლად და ტყვედ ჩავარდნილთა გამოსახსნელად ფავნელებს [[შიომღვიმის მონასტერი|მღვიმის მონასტრისათვის]] მიუყიდია 4 სოფელი თეძმის ხეობაში: [[ცხევერეთი]], [[კოტმანი]], [[გავაზელნი]] და [[გველდესი]]. ამის შემდეგ ფავნელთა საგვარეულო იშვიათად ჩანს წყაროებში. XIII საუკუნის მეორე ნახევარში იხსენიება [[დავით VI ნარინი]]ს თანამეცხედრის თამარ [[ამანელისძენი|ამანელისძის]] ასულის მწირველი — ილარიონ ფავნელი. XIV-XV საუკუნეების რამდენიმე დოკუმენტი ცნობებს გვაწვდის ფავნელთა დანათესავებაზე [[თმოგველები|თმოგველებთან]]. ფავნელთაგან ნაწილის სოფლების XIII საუკუნეში ჯერ კიდევ მღვიმეს ეკუთვნოდა, შემდეგ სამეფო-[[სახასო]] გახდა, მერე კი სხვა საგვარეულოთა ხელში გადავიდა. ფავნელების საფეოდალოს ჯერ [[თორელები|თორელ]]-[[ჯავახიშვილები]], შემდეგ კი — [[სააკაძეები|სააკაძე]]-[[თარხნიშვილები]] დაეპატრონენ.

 

==ლიტერატურა==

*{{ქსე|10|207-208}}