ჰარდესლევი გაშენებულია ხეობაში, [[ბალტიის ზღვა|ბალტიის ზღვის]] ჰარდესლევის [[ფიორდი]]ს სანაპიროსთან. იგი სავარაუდოდ [[ვიკინგები|ვიკინგებმა]] დაარასესდაარსეს, ერთი საუკუნით ადრე, სანამ [[1292]] წელს სამეფო ქალაქის სტატუსს მიიღებდა. ამის შემდეგ იგი სამხრეთ იუტლანდიის ვაჭრობის მთავარი სავაჭრო ცენტრი გახდა. [[1327]] წელს პირველად იხსენიება ჰარდესლევჰუსის სამეფო სასახლე. იგი კათედრალის აღმოსავლეთით მდებარეობდა. მომდევნო საუკუნეებში ქალაქი აყვავდა, აშენდა გოტიკური კათედრალი და მეორე, ჰანსბორგის ციხესიმაგრე (დაიწვა 1644 წელს), რომელიც კრონბორგის მსგავსი იყო. [[კოპენჰაგენი|კოპენჰაგენში]] გავრცელებული [[შავი ჭირი]]ს გამო, მეფე [[კრისტიან IV]]-მ აქ იქორწინა. [[XVI საუკუნე]]ში, ჰარდესლევი ერთ-ერთი პირველი [[სკანდინავია|სკანდინავიური]] ქალაქი გახდა, სადაც [[პროტესტანტული რეფორმაცია|პროტესტანტულმა რეფორმაციამ]] შეაღწია.