არჩილ II: განსხვავება გადახედვებს შორის

39 ბაიტი დაემატა ,  14 წლის წინ
არ არის რედაქტირების რეზიუმე
თხზულებაში "გაბაასება თეიმურაზისა და რუსთველისა" არჩილ II ორი პოეტის პაერობაში ავლენს საკუთარი პოზიციას, თუმცა ორივეს უსაყვედურებს უცხო სიუჟეტებით გატაცებას ("ვეფხისტყაოსანში" მოთხრობილი უცხო სახელმწიფოთა ამბები მას პირდაპირი მნიშვნელობით ესმოდა და ამ მხრივ გენიალურ პოემას ვერ ასხვავებდა თეიმურაზის ნათარგმნ თხზულებათაგან), მაგრამ მაინც რუსთველის მხარეზეა და მისი აშკარა გავლენით პოეზიას სიბრძნის დარგად მიიჩნევს. "გაბაასება..." გარკვეული თვალსაზრისით რეალისტური ნაწარმოებია, რომელშიც გაშიშვლებულია თეიმურაზ I-ის დროინდელი საქართველოს ცხოვრების მხარეები, ფეოდალების თავგასულობა, ამასთან, ხაზგასმულია ერის ცხოვრებაში გლეხობის დიდი მნიშვნელობა. პოეტი გვიხატავს ეროვნულ გმირებსაც ([[სააკაძე, გიორგი | გიორგი სააკაძე]] და სხვ.). არჩილ II-ის "გაბაასება..." ქართულ მწერლობაში ისტორიულ პოემას ამკვიდრებს.
 
არჩილ II-ს ეკუთვნის აგრეთვე "გაბაასება კაცისა და სოფლისა", მცირე ზომის სატრფიალო ლექსთა კრებული "სამიჯნურონი", "ანბანთქება", "ჩარხებრ მბრუნავი ლექსი", რელიგიური ხასიათის რამდენიმე ლექსი და სხვა. რუსეთში ყოფნისას არჩილ II-მ გალექსა ქართულად "ვისრამიანი", რუსულიდან თარგმნა სერბიულ ენაზე დამუშავებული [["ალექსანდრიანი"]], მსოფლიოს ისტორია ("ქრონოგრაფი") და რამდენიმე სასულიერო შინაარსი თხზულება. რუსეთში მყოფ ქართველ მოღვაწეთა დახმარებით არჩილ II-მ დააარსა ქართული სტამბა, სადაც [[1705]] დაიბეჭდა [[დავითნი|"დავითნი"]]; აქვე შეუდგა სრული ქართული ბიბლიის გამოცემის სამზადისს (არჩილ II-ის მიერ მომზადებული ქართული ბიბლია დაიბეჭდა [[1743]]).
 
 
 
 
{{ქსე}}
 
[[კატეგორია:ქართველები]]