ყველა [[სლავები|სლავი]] ხალხის '''უძველეს სამშობლოდ''' მიჩნეულია [[V საუკუნე|V]] -[[VI საუკუნე]]მდე არსებული სივრცე, რომელიც მოიცავდა პრიპჲეტის ჭაობების (პოლესჲე) სამხრეთ, კარპატების ჩრდილოეთ, შუა [[დნეპრი|დნეპრის]]ს დასავლეთ და აღმოსავლეთ, და ასევე [[ვისლა|ვისლას]]ს აღმოსავლეთ ნაწილს. დაახლოებით ამ გეოგრაფიულ მდებარეობას წარმოაჩენს არამარტო შიდა ურთიერთობების, არამედ [[სუბსტრატი|სუბსტრატების]] სახით შემორჩენილი სლავური წარმოშობის [[ტოპონიმი|ტოპონიმებისა]] და ურთიერთნასესხობათა კვლევა–ძიება; სლავები ჩრდილოეთით [[გერმანელ ტომები|გერმანელ ტომებს]] ემეზობლებოდნენ, სამხრეთდასავლეთში [[ვენეტები|ვენეტებსა]] და [[ილირია|ილირებს]], ჩრდილოაღმოსავლეთით [[ბალტიელი ხალხები|ბალტიელ ხალხებს]], აღმოსავლეთით დასავლელ ფინელებს, ხოლო სამხრეთაღმოსავლეთით სხვადასხვა [[ირანული ენები|ირანელ]] და [[თრაკია|თრაკიელ]] ტომებს (ეს უკანასკნელნი ზემო [[ვისლა|ვისლასთან]]სთან უკვე ცხოვრობდნენ). სლავებს უშუალო კონტაქტები ჰქონდათ ბერძნებთან და რომაელებთან. პირველ ხანებში სლავების სამშობლო შედარებით მცირე არეალს მოიცავდა. მოგვიანებით მათ ეს სივრცე გაიფართოვეს და 'საერთო სლავური პერიოდის' დამდეგს დღევანდელი პოლონეთისა და უკრაინის ნაწილები დაიკავეს, ხოლო ჩრდილოეთით ბალტიის ზღვას მისწვდნენ. ამ მოხაზულ სივრცეში მდებარეობდა [[სლავები|სლავი ტომების]] უძველესი სამშობლო, სადაც მათ უაღრესად ერთიან უძველეს ენაზე უნდა ესაუბრათ. ამ ენას მეცნიერულ ლიტერატურაში '''უძველეს სლავურს''' და '''საერთო სლავურს''' უწოდებენ. ენობრივი ერთიანობა და სიახლოვე ამ ენებმა დღემდე შეინარჩუნეს.
: '''ზოგ მეცნიერთა განცხადებით სლავური ენები უფრო ახლოს დგას ერთმანეთთან, ვიდრე ზოგიერთი ენის (მაგალითად გერმანულის) დიალექტები.'''