'''დუერო''' ({{lang-es|Duero}}; {{lang-pt|Douro}}) -— [[მდინარე]] [[პირენეის ნახევარკუნძული|პირენეის ნახევარკუნძულზე]]. სიგრძე 925 [[კილომეტრი]] (სხვადასხვა მონაცემებით 938ან 897 კმ), აუზის ფართობი - 95 ათასი კმ<sup>2</sup>. სათავე აქვს [[იბერიის მთები|იბერიის მთებში]], [[ესპანეთი|ესპანეთში]]. მიედინება [[კასტილიის ზეგანი|კასტილიის ზეგანზე]], ქვემოთში კი [[პორტუგალია|პორტუგალიის]] ტერიტორიაზე, ჯერ განიერ ხეობაში, შემდეგ – ზღვისპირა დაბლობზე, ერთვის [[ატლანტის ოკეანე]]ს, ქმნის [[ესტუარი|ესტუარს]]. მთავარი შენაკადებია: [[პისუერგა]], [[ადახა]], [[ესლა]], [[ტორმესი]], [[ტამეგა (მდინარე)|ტამეგა]]. ზამთარსა და გაზაფხულზე ხშირად იცის წყალმოვარდნა და წყალდიდობა. წყლის საშუალო ხარჯი შესართავთან 700 მ<sup>3</sup>/წმ. მაქსიმალური – 15 000 მ<sup>3</sup>/წმ. სანაოსნოა შესართავიდან 185 კილომეტრი. აგებულია წყალსაცავი და ჰესი. დუეროს ნაპირებზე გაშენებულია ქალაქები: [[სორია]], [[არანდა-დე-დუერო]], [[სამორა]] (ესპანეთი), [[პეზუ-და-რეგუა]], [[პორტუ]] (პორტუგალია).
