სარიყამიშის ქვაბული: განსხვავება გადახედვებს შორის

'''სარიყამიშის ქვაბული''' — ოვალური ფორმის გაუდინარი უდაბნო [[ქვაბული]] [[შუა აზია]]ში, [[თურქმენეთი|თურქმენეთსა]] და [[უზბეკეთი|უზბეკეთში]]. მდებარეობს [[ყარაყუმი|ყარაყუმის უდაბნოსა]] და [[უსთიურთის პლატო|უსთიურთის პლატოს]] საზღვარზე. სიგრძე დაახლოებით 150 [[კმ]], სიგანე 90 [[კმ]]. ფსკერის ყველაზე დაბალი ნაწილი [[ზღვის დონე|ზღვის დონეზე]] 38 მეტრით დაბლაა. [[ქვაბული]]ს ცენტრალური ნაწილი უკავია [[სარიყამიშის ტბა]]ს. სარიყამიშის ქვაბული აგებულია ტბიური ნალექებით. ზედაპირი დაფარულია მლაშობებითა და ქვიშებით. მდინარე [[ამუდარია|ამუდარიის]] წყალმა უკანასკნელად ქვაბულის ტერიტორიას [[1878]] წლის [[ზაფხული|ზაფხულში]] მიაღწია. სახელწოდება [[თურქული ენები|თურქულია]] და ნიშნავს „ყვითელ ლელქაშს“.