'''ემბა''' ([[ყაზახური ენა|ყაზახ.]] Ембі, Жем), — მდინარე გურიევის ოლქში, სიგრძე 647 კმ, აუზის ფართი 45,8 ათ.კმ. სათავეს იღებს [[მუღოჯარის მთები]]ს დასავლეთ კალთაზე, [[კასპიისპირა დაბლობი|კასპიისპირა დაბლობზე]] გადაკვეთს მშრალ სტეპს, ნახევარუდაბნოს, უდაბნოს და ერთვის [[კასპიის ზღვა]]ს, რომელშიც წყალი მხოლოდ წყალუხვ წლებში ჩაედინება. ზაფხულობით მდინარე წყდება ერთმანეთისაგან განცალკევებულ მლაშე ტბებად. ემბა ძირითადად საზრდოობს თოვლის წყლით. იყინება ნოემბერში, ყინულსვლა აქვს მარტსა და აპრილში. მთავარი შენაკადია [[თემირი]] და მისავე აუზში არის ემბის ნავთობის აუზი.
