ლიხის ქედი: განსხვავება გადახედვებს შორის

'''ლიხის ქედი''' ('''''სურამის ქედი''''') — [[კავკასიონი]]სა და [[მცირე კავკასიონი]]ს მთათა სისტემების დამაკავშირებელი სუბმერიდიანული ქედი, რომელიც [[საქართველო]]ს ყოფს აღმოსავლეთ და დასავლეთ ნაწილებად (ძვ. წყაროებით „ლიხთიმერად“ და „ლიხთამერად“). ლიხის ქედი [[კასპიის ზღვა|კასპიისა]] და [[შავი ზღვა|შავი ზღვების]] წყალგამყოფია. შუა მონაკვეთი [[ტექტონიკა|ტექტონიკურად]] ეკუთვნის ძირულის კრისტალურ მასივს, ჩრდილოეთი — [[კავკასიონი|კავკასიონს]], სამხრეთი — [[მცირე კავკასიონი|მცირე კავკასიონს]]. ქედის სიგრძე [[ერწო (უღელტეხილი)|ერწოს უღელტეხილიდან]] [[ლომისმთა]]მდე 102 კმ-ია. აბსოლუტური სიმაღლე ცვალებადობს 900-2471 მ ფარგლებში. მწვერვალებიდან აღსანიშნავია: [[ალხაშენდა]] (2319 მ), [[რიბისი]] (2470 მ), [[ბილურთა]] (2166 მ), [[რუსთავი (მწვერვალი)|რუსთავი]] (1926 მ), [[ლოხონი]] (1925), [[შვილდისი]] (1443 მ), [[კაპრებისმთა]] (1177 მ), [[ედისჯვარი]] (1320 მ), [[საბუეთი]] (1248 მ), [[წაქვა (მთა)|წაქვა]] (1220 მ), [[ვირიგვერდი]] (1644 მ); უღელტეხილებიდან — [[ჯვარი (უღელტეხილი)|ჯვარი]] (936 მ), [[რიკოთის უღელტეხილი|რიკოთი]] (999 მ), ფონა და სხვა.

{{Commonscat|Likhi Range|ლიხის ქედი}}