'''კვერცხსადები''' (ovipositor), — მრავალი [[მწერები|მწერისა]] და ზოგი [[თევზები|თევზის]] [[კვერცხი]]ს დასადები გარეგანი სასქესო ორგანო. მწერების კვერცხსადები წარმოადგენს მუცლის მე-8 და მე-9 სეგმენტის სახეცვლილ კიდურებს. შედგება 3 წყვილი საგდულისაგან, რომელიც ესობა სუბსტრატში და კვერცხი მათ შუა მისრიალებს. ტიპური კვერცხსადები აქვთ კუტკალიებს. [[კალიები]]ს კვერცხსადები უფრო მოკლე და მაგარია. [[ნემსიყლაპიები]] კვერცხსადების მეშვეობით კვერცხს მცენარეთა ქსოვილში დებენ, [[მხედრები (მწერები)|მხედრები]] კი — სხვა მწერის სხეულში. უმაღლესი [[სიფრიფანაფრთიანები]]ს კვერცხსადები გარდაქმნილია [[ნესტარი|ნესტრად]]. თევზის კვერცხსადები სახეცვლილი შარდ-სასქესო დვრილია, რომელიც ქვირითობის დროს გაგრძელდება.
