ინტრუზია: განსხვავება გადახედვებს შორის

'''ინტრუზია''' (გვიანდ. [[ლათ.]] intrusio – < [[ლათ.]] intrudo – შევაგდებ) — 1.) [[დედამიწის ქერქი|დედამიწის ქერქში]] [[მაგრმა|მაგმის]] შეჭრის პროცესი, რის შედეგადაც წარმოიქმნება [[ინტრუზიული ქანები]], ეგრეთ წოდებული სიღრმის ქანები, რომელიც უპირისპირდება [[ეფუზიური ქანები|ეფუზიურ ქანებს]].

2.) [[დედამიწის ქერქი|დედამიწის ქერქში]] მაგმის გაცივებისა და კრისტალიზაციის შედეგად წარმოქმნილი მაგური სხეული, ინტრუზივი. გარემომცველი ქანების სტრუქტურასთან დამოკიდებულების მიხედვით განარჩევენ თანხმობით (კონკორდანტულ) ინტრუზივებს, მაგ., [[ლაკოლითი]], [[ლოპოლითი]], [[ფაკოლითი]], [[სილი]] (შრეინტრუზივი) და უთანხმო (დისკორტანტულ) ინტრუზივებს — [[შტოკი]], [[დაიკი]]. ინტრუზივების კლასიფიკაციისას ითვალისწინებენ ფორმასა და სხეულის ზომას.

წარმოქმნის სიღრმის მიხედვით გამოყოფენ: ზედაპირულ, მცირესიღრმულ და სიღრმულ ინტრუზივებს. [[მაგმა|მაგმის]] ორი, ან უფრო მეტი ამოწევის შედეგად წარმოიქმნება ეგრეთ წოდებული რთული ინტრუზია, რომლის მაგმის შედგენილობა ყოველ ჯერზე მკვეთრად იცვლებოდა. სიღრმული ინტრუზია აგებულია კრისტალური მაგმური ქანებით, იმ დროს, როდესაც მცირესიღრმული ინტრუზივები პორფირული სტრუქტურისაა.