'''კონგლომერატი''' ([[ლათინური ენა|ლათ]]. ''conglomeratus'' – შეჯგუფებული, შემჭიდროებული) — [[დანალექი ქანები|დანალექი ქანი]], რომელიც წარმოადგენს შეცემენტებულ ქვარგვალებს. ქვარგვალის სიდიდე, ჩვეულებრივ 1-10 სმ-ია. შედგენილობით კონგლომერატი შეიძლება იყოს ერთგვაროვანი (მონომიქტური) და არაერთგვაროვანი (პოლიმიქტური). კონგლომერატის ცემენტს წარმოადგენს რკინის ჟანგეულები, კარბონატები, თიხოვანი მასა, იშვიათად სილიციუმის ორჟანგი. გეოლოგიურ ჭრილში კონგლომერატიანი შრეების არსებობა უფრო ძველი [[ქანი (გეოლოგია)|ქანების]] გაძლიერებული გადარეცხვის მაჩვენებელია. ნატეხი მასალის დაგროვების მიხედვით განარჩევენ: [[ზღვა|ზღვიურ]], ალუვიურ, პროლუვიურ და [[ტბა|ტბიურ]] კონგლომერატებს. ხანდახან კონგლომერატი (როგორც წესი [[ცემენტი|ცემენტში]]) შეიცავს [[სასარგებლო წიაღისეული|სასარგებლო წიაღისეულებს]].
ნატეხი მასალის დაგროვების მიხედვით განარჩევენ: [[ზღვა|ზღვიურ]], ალუვიურ, პროლუვიურ და [[ტბა|ტბიურ]] კონგლომერატებს. ხანდახან კონგლომერატი (როგორც წესი [[ცემენტი|ცემენტში]]) შეიცავს [[სასარგებლო წიაღისეული|სასარგებლო წიაღისეულებს]].
ფართოდაა გავრცელებული [[საქართველო]]ში. მრავალი [[გეოგრაფია|გეოგრაფიული]] ობიექტი სხვა დანალექ ქანებთან ერთად სწორედ კონგლომერატებითაა აგებული. მაგალითად: [[მარნეულის ვაკე|მარნეულის აკუმულაციური ვაკე]] სხვა დანალექ ქანებთან ერთად აგებულია კონგლომერატებით, ასევე იაღლუჯის სერი აგებულია სარმატულ-კიმერიული კონგლომერატებითა და [[ქვიშაქვა|ქვიშაქვების]] წყებით.
