'''ამტყელი''', — მდინარე [[აფხაზეთის ავტონომიური რესპუბლიკა|აფხაზეთის ავტონომიურ რესპუბლიკაში]], სიგრძე 39 კმ, აუზის ფართობი 398 კმ². სათავე აქვს [[ჩხალთის ქედი|ჩხალთის ქედის]] დასავლეთ ნაწილში, ამტყელის უღელტეხილთან. ზემო დინება ტროგულ ხეობაში მიედინება, შემდეგ კი ღრმა და ვიწრო ხეობაში. ერთვის [[ამტყელი (ტბა)|ამტყელის ტბას]], საიდანაც მიწისქვეშა გზით გაედინება. ამტყელი (სიგრძე 10 კმ-მდე), რომელიც მდინარე [[კოდორი|კოდორის]] მახლობლად გამოდის მიწის ზევით, მარცხნიდან იერთებს მდინარე [[ჯამპალი (მდინარე)|მდ. ჯამპალს]] და იქვე ერთვის [[კოდორი|კოდორს]].
ამტყელი საზრდოობს თოვლის, წვიმისა და მიწისქვეშა წყლებით. წყალდიდობა გაზაფხულზე და ზაფხულის დამდეგს იცის, წყალმცირობა -— ზამთარში.