ენა: განსხვავება გადახედვებს შორის

'''ენა''' - [[ენათმეცნიერება|ენათმეცნიერული]] ცნება-ტერმინი, რომელიც აკუსტიკურად და ოპტიკურად აღქმადი '''ნიშნების სისტემა'''ს აღნიშნავს.

[[ადამიანი|ადამიანის]] არსებობა მჭიდროდაა დაკავშირებული საზოგადოებრივ საქმიანობასთან. [[საზოგადოება|საზოგადოებრივი]] საქმიანობა, თავის მხრივ, შეუძლებელია ადამიანთა შორის ურთიერთგაგებინების გარეშე. გაგებინების უმნიშვნელოვანესი საშუალება არის '''ბუნებრივი ენა'''.

'''ენა''' არის საზოგადოებრივი ცხოვრების მოთხოვნილებებიდან, განსაკუთრებით კი შედეგზე ორიენტირებული საქმიანობიდან მომდინარე, მუდმივად განახლებადი, განვითარებადი სისტემა [[აკუსტიკა|აკუსტიკურად]] და [[ოპტიკა|ოპტიკურად]] აღქმადი ნიშნებისა, რომელიც [[ადამიანი|ადამიანს]] ემსახურება აზრის გაფორმებაში, შეაძლებინებს მას გარკვეულ ფორმაში მოაქციოს აზრი და ამით გასაგები გახადოს იგი მისთვის და სხვათათვის. ენა ადამიანს ფიქრის პროცესს, ანუ გარკვეული რეალობის შემეცნებას შეაძლებინებს. ენის, როგორც ნიშანთა სისტემის მეშვეობით შესაძლებელი ხდება აზრებისა და ემოციური განცდების გადმოცემა, ასევე მოპოვებული ცოდნის ფიქსირება და შენახვა. <br />

ენის [[დეფინიცია|დეფინიციიდან]] გამომდინარე გასაგები ხდება, რომ იგი ადამიანის ენობრივი მოღვაწეობის ინსტრუმენტია და მჭიდრო ურთიერთკავშირშია ადამიანის [[ცნობიერება|ცნობიერებასთან]]. ურთიერთკავშირი ენასა და საზოგადოებას შორის ცხადი ხდება კომუნიკაციაში. კომუნიკაციას[[კომუნიკაცია]]ს ენათმეცნიერები განიხილავენ, როგორც ურთიერთგაგებინების პროცესს.