ტუგენდჰატის ვილა: განსხვავება გადახედვებს შორის

'''ტუგენდჰატის ვილა''' — XX საუკუნის ნაგებობა [[ჩეხეთი]]ს ქალაქ [[ბრნო|ბრნოში]]. დაპროექტებულია გერმანელი არქიტექტორის -— [[ლუდვიგ მის ვან დერ როე]]ს მიერ და მიიჩნევა ნამდვილ შედევრად. მშენებლობა მიმდინარეობდა [[1928]]-[[1930]] წლებში, დამკვეთები იყვნენ ფირც ტუგენდჰატი და მისი ცოლი გრეტა. ვილა სულ მალე გახდა თანამედროვე არქიტექტურის სახე.

ნაგებობა [[ფუნქციონალიზმი (არქიტექტურა)|ფუნქციონალიზმის]] პარადიგმატულ მაგალითს წარმოადგენს. მშენებლობაში მაისმა რევოლუციური რკინის კარკასი გამოიყენა, რომელიც ანაწილებდა საყრდენ კედლებზე დაწოლას, ამავე დროს, ინტერიერს სივრცისა და სინათლის შეგრძნებას აძლევდა. მანვე დააპროექტა ვილის ავეჯი. ვილაში არაა არც მხატვრობა და არც დეკორირების რაიმე ნიმუში, მიუხედავად ამისა, ინტერიერი მკაცრი არაა, რაც მიღწეულია ისეთი ბუნებრივი ან ბუნებრივის მსგავსი კომპონენტების გამოყენებით, როგორებიცაა [[ონიქსი]]ს კედლები და უიშვიათესი ტროპიკული [[ხე-მასალა]]. ონიქსის კედლები გამჭვირვალეა და გამომეტყველებას იცვლის მზის ჩასვლისას. არქიტექტორი ასევე გაუძღვა ვილადან თვალწარმტაცი ხედის შექმნას, რომელიც ინტერიერის ინტეგრალურ ნაწილს წარმოადგენს.