კორდებალეტი ვალსის რეპეტიციას გადის. ზიგფრიდის როლის შემსრულებელი თავის ვარიაციას ამზადებს. დამდგმელი ქორეოგრაფი მსახიობებს უკანასკნელ მითითებებს აძლევს. იგი განსაკუთრებით უკმაყოფილოა სოლისტი მამაკაცის შესრულებით. თეატრის სახელოსნოებიდან მოაქვთ მზა კოსტიუმები. პა დე ტრუას შემსრულებელი სოლისტები უმალ იმოსებიან და ცეკვავენ დასის მსახიობებისათვის.
პოლონეზის ცეკვის შემდეგ ქორეოგრაფი მსახიობებს ნებას რთავს დატოვონ სარეპეტიციო დარბაზი, არ უშვებს მხოლოდ სოლისტ მამაკაცს, რომელსაც სთხოვს პრინცის მონოლოგის შესრულებას I მოქმედებიდან და მისი ცეკვით უკმაყოფილო ტოვებს დარბაზს.
დაღონებული სოლისტი კიდევ ერთხელ ცდილობს ვარიაციის შესრულებას, შემდეგ კი სარეპეტიციო დარბაზის იატაკზე ჩაეძინება.