'''ადარნასე II''', — ქართველთა მეფე [[888]]-[[923]], [[ტაო-კლარჯეთის სამეფო|ტაო-კლარჯეთის სამეფოს]] გამგებელი, ძე [[დავით I კურაპალატი|დავით I კურაპალატისა]], ტაო-კლარჯეთის [[ბაგრატიონები|ბაგრატიონთა]] ტაოს შტოს შთამომავალი. ტაო-კლარჯეთის ბაგრატიონთა შორის გაჩაღებულ შინაფეოდალურ ომში დავით I კურაპალატის დაღუპვის ([[881]]) შემდეგ სამთავროს გამგებლობა ადარნასე II-ის ხელში გადავიდა. დავითის მკვლელმა [[ნასრა]] [[გვარამ (გუარამ) მამფალი|გვარამ მამფლის ძემ]] [[888]] აფხაზთა მეფის ბაგრატის დახმარებით სცადა ტაო-კლარჯეთის სამფლობელოების დაბრუნება, მაგრამ ადარნასე II-მ და მისმა მომხრეებმა დაამარცხეს. ამ დროიდან დაიწყო ადარნასე II-ის გაძლიერება. ბაგრატიონთა შორის მან პირველმა მიიღო "ქართველთა„ქართველთა მეფის"მეფის“ ტიტული ([[888]]). ადარნასე II იბრძოდა საქართველოს გაერთიანებისათვის. მას მხარს უჭერდნენ სომხეთის (შირაქის) მეფეები. [[891]] ადარნასე II სომხეთის შინაფეოდალურ ბრძოლებში ჩაერია და ხელი შეუწყო შირაქში სუმბატ აშოტის ძის გამეფებას. [[904]] ადარნასე II-მ სუმბატის დახმარებით დაამარცხა და ტყვედ ჩაიგდო ქართლში შემოჭრილი აფხაზთა მეფე კონსტანტინე. შემდეგში სუმბატ სომეხთა მეფემ გაათავისუფლა კონსტანტინე, რასაც ყოფილ მოკავშირეებს შორის განხეთქილება მოჰყვა. [[907]] ადარნასე II მიემხრო სომხეთში შემოჭრილ არაბთა სარდალს [[აბუ ლ-კასიმი|აბუ ლ-კასიმს]] და სუმბატის წინააღმდეგ იბრძოდა. ადარნასე II ეწეოდა კულტურულ-სააღმშენებლო მოღვაწეობას: ააშენა და საეპისკოპოსო საყდრად აქცია ბანის ტაძარი.
==ლიტერატურა==
* {{ქსე|1|86}}
*''შოშიაშვილი ნ.,'' ქსე, ტ. 1, გვ. 86, თბ., 1975
{{დაიწყე ყუთი}}
{{მემკვიდრეობის ყუთი| წინამორბედი= [[გურგენ I]] | ტიტული=[[ქართველთა სამეფო|ტაო-კლარჯეთის მეფე]] | წლები=[[888]] - [[923]]| შემდეგი = [[ბაგრატ II (ქართველთა მეფე)|ბაგრატ II]]}}
