გაგიკი: განსხვავება გადახედვებს შორის

'''გაგიკი''', [[კახეთ-ჰერეთის სამეფო|კახეთ-ჰერეთის]] [[მეფე]] (დაახლოებით [[1039]]-[[1058]]), [[კვირიკე III]] დიდის დისწული და შვილობილი. [[1039]]-[[1040]] გაგიკი საქართველოს მეფე [[ბაგრატ IV (საქართველოს მეფე)|ბაგრატ IV-ს]] ეხმარებოდა [[თბილისი|თბილისისათვი]]ს ბრძოლაში, შემდეგ კი ებრძოდა ბაგრატ IV-ს, რომელიც კახეთ-ჰერეთის დაპყრობას ცდილობდა. ბრძოლა მოხდა მიქელ-გაბრიელის მთასთან (მისი მდებარეობა დაუდგენელია). გაგიკი დამარცხდა. ბაგრატმა დაატყვევა კახეთ-ჰერეთის ერისთავები, გადავიდა [[თიანეთი|თიანეთში]] და გადაწვა [[ბოდოჯის დარბაზი]]. კახეთ-ჰერეთის სამეფომ დაკარგა [[ჰერეთი]], რომელიც შემდეგში ხან გაგიკის ხელში იყო, ხან კი ბაგრატისა. [[1044]]-[[1045]] გაგიკი ბაგრატ IV-ის მოწინააღმდეგე [[ლიპარიტ IV|ლიპარიტ ბაღვაშის]] მოკავშირე გახდა. დაახლოებით [[1045]]-[[1046]], როცა ბაგრატ IV თბილისში შევიდა და [[ისანი|ისნის]] გასათავისუფლებლად იბრძოდა, გაგიკი მის მხარეზე გადავიდა, მაგრამ მალე ([[1046]]-[[1047]]), როცა ლიპარიტი კვლავ განუდგა საქართველოს მეფეს, გაგიკმა ისევ ლიპარიტის მხარე დაიჭირა. ასეთი მოქნილი პოლიტიკის წყალობით, გაგიკმა მოახერხა კახეთ-ჰერეთის პოლიტიკური დამოუკიდებლობის შენარჩუნება.