|
'''თბილისის თავისუფალი უნივერსიტეტი, აზიისა და აფრიკის ინსტიტუტი''' არის [[საქართველო]]ში პირველი და დღემდე ერთადერთი სპეციალიზირებული უმაღლესი სასწავლო დაწესებულება, სადაც [[ახლო აღმოსავლეთი|ახლო]] და [[შორეული აღმოსავლეთი|შორეული აღმოსავლეთის]] ქვეყნებს, მათ [[ისტორია]]ს, [[კულტურა]]ს, [[ეკონომიკა]]ს, [[სამართალი|სამართალსა]] და [[ენა (მეტყველება)|ენებს]] შეისწავლიან. ინსტიტუტი იძლევა სხვადასხვა სპეციალობების შეხამების საშუალებას.
თავისუფალი უნივერსიტეტის აზიისა და აფრიკის ინსტიტუტი
თავიდან აზიისა და აფრიკის ინსტიტუტი დამოუკიდებელი სასწავლო დაწესებულება იყო, მაგრამ [[2007]] წლიდან იგი ახლადგახსნილი [[თბილისის თავისუფალი უნივერსიტეტი]]ს შემადგენლობაში შედის [[თბილისის ბიზნესის სკოლა|ბიზნესისა (ESM)]] და [[თბილისის სამართლის სკოლა|სამართლის სკოლებთან]] ერთად. თუ ამ უკანასკნელთა ოფიციალური სახელი [[სკოლა|სკოლებია]], აზიისა და აფრიკის ინსტიტუტს ძველი სახელი შემორჩა და სრულად იწოდება, როგორც „თბილისის თავისუფალი უნივერსიტეტის აზიისა და აფრიკის ინსტიტუტი“.
აზიისა და აფრიკის ინსტიტუტი დაარსდა 1991 წელს და 2007 წელს შევიდა თავისუფალი უნივერსიტეტის შემადგენლობაში. დაარსების პირველივე წლებიდან ინსტიტუტი თანამშრომლობს აღმოსავლეთის ქვეყნების, ევროპისა და ამერიკის შეერთებული შტატების უნივერსიტეტებთან.
== ინტერდისციპლინური სწავლება, სპეციალობები, ხარისხები ==
აზიისა და აფრიკის ინსტიტუტის საბაკალავრო პროგრამა ამზადებს საერთაშორისო ურთიერთობების სპეციალისტებს, რომლებიც სრულყოფილად შეისწავლიან ახლო და შორეული აღმოსავლეთის ენებს, ისტორიას, კულტურას, რელიგიას და ეკონომიკას. აზიისა და აფრიკის ინსტიტუტის სტუდენტებს საერთაშორისო ურთიერთობების გარდა, ასევე შეუძლიათ შეისწავლონ დამატებითი სპეციალობა (მაინორი).
=== ორი დარგი ===
აზიისა და აფრიკის ინსტიტუტის სამაგისტრო პროგრამა ამზადებს სპეციალისტებსა და მკვლევარებს საერთაშორისო ურთიერთობებში. პროგრამა იძლევა საფუძვლიან ცოდნას საერთაშორისო სამართლის, ეკონომიკური ურთიერთობების, დიპლომატიური ურთიერთობებისა და თანამედროვე პოლიტიკური პროცესების შესახებ.
ინსტიტუტი ამზადებს ბაკალავრებსა და მაგისტრებს ორ, [[საერთაშორისო ურთიერთობები]]სა და [[აღმოსავლეთმცოდნეობა|აღმოსავლეთმცოდნეობის]], დარგში. ორივე დარგი შეიძლება მოიცავდეს ახლო და შორეული აღმოსავლეთის ქვეყნებს; [[არაბული ქვეყნები|არაბულ ქვეყნებს]], [[თურქეთი|თურქეთს]], [[ირანი|ირანს]], [[ინდოეთი|ინდოეთს]], [[იაპონია|იაპონიას]], [[კორეა|კორეას]] და [[ჩინეთი|ჩინეთს]], ან კონკრეტულად ჩამოთვლილ ქვეყანათაგან რომელიმეს [[ენა]]ს, [[ისტორია]]ს, [[კულტურა]]ს, [[რელიგია]]ს, [[ეკონომიკა]]ს და [[სამართალი|სამართალს]].
დღეს აზიისა და აფრიკის ინსტიტუტში სწავლობს 146 სტუდენტი. ინსტიტუტს ჰყავს 698 კურსდამთავრებული – 596 ბაკალავრი, 61 მაგისტრი და 14 დოქტორანტი.
=== აკადემიური ხარისხები ===
2011 წელს აზიისა აფრიკის ინსტიტუტი მიიღებს ეროვნულ გამოცდებში წარმატებულ 36 აბიტურიენტს.
აზიისა და აფრიკის ინსტიტუტი აბიტურიენტებს სთავაზობს გაცნობით პროგრამას საერთაშორისო ურთიერთობებში.
აზიისა და აფრიკის ინსტიტუტი საერთაშორისო ურთიერთობებისა და აღმოსავლეთმცოდნეობის სპეციალობებში მომზადებულ კურსდამთავრებულებზე გასცემს უმაღლესი განათლების დიპლომს შემდეგი [[აკადემიური ხარისხი|აკადემიური ხარისხების]] მიხედვით:
# [[სოციალური მეცნიერებები|სოციალურ მეცნიერებათა]] ბაკალავრი,
# [[ჰუმანიტარული მეცნიერებები|ჰუმანიტარულ მეცნიერებათა]] ბაკალავრი,
# სოციალურ მეცნიერებათა [[მაგისტრი]],
# ჰუმანიტარულ მეცნიერებათა [[მაგისტრი]],
# [[ფილოსოფია|ფილოსოფიის]] დოქტორი.
=== სპეციალური მიმართულებები ===
აკადემიური და სამეცნიერო ხარისხების მიღება შესაძლებელი არის შემდეგ აღმოსავლეთმცოდნეობით მეცნიერებებში.
: ესენია:
{| border="0" width="800"
|
[[არაბისტიკა]],
[[ებრაისტიკა]],
[[თურქოლოგია]],
[[ირანისტიკა]],
[[ინდოლოგია]],
[[იაპონოლოგია]],
[[კორეისტიკა]],
[[სინოლოგია]].
|}
=== არჩევითი ენები ===
ინსტიტუტის სტუდენტებს საშუალება აქვთ დამატებით შეისწავლონ აღმოსავლეთისა და [[ევროპა|ევროპის]] 16 ენა.
: ესენია:
{| border="0" width="800"
|
[[არაბული ენა|არაბული]], [[სპარსული ენა|სპარსული]], [[ჰინდი]], [[ურდუ]], [[თურქული ენა|თურქული]], [[ჩინური ენა|ჩინური]], [[იაპონური ენა|იაპონური]], [[კორეული ენა|კორეული]], [[ებრაული ენა|ებრაული]], [[უზბეკური ენა|უზბეკური]], [[ფარსი-ქაბული|დარი]], [[ინგლისური ენა|ინგლისური]], [[ფრანგული ენა|ფრანგული]], [[გერმანული ენა|გერმანული]], [[ესპანური ენა|ესპანური]], [[რუსული ენა|რუსული]].
|}
== ინსტიტუტის დროებითი სტრუქტურა ==
აზიისა და აფრიკის ინსტიტუტი, ისევე როგორც მთლიანად თავისუფალი უნივერსიტეტი მუდმივი განახლების რეჟიმში იმყოფება და იგი ჯერ-ჯერობით მხოლოდ სამ მთავარ განყოფილებას მოიცავს;<ref>უფრო ვრცელი ინფორმაციის ხილვა თბილისის თავისუფალი უნივერსიტეტისა და ამ უნივერსიტეტის შემადგენლობაში ერთ-ერთ სუბიექტად შემავალი აზიისა და აფრიკის ინსტიტუტის დროებითი სტრუქტურის შესახებ შეიძლება გარეთა ბმულში, რომელიც მოთავსებულია მოცემული სტატიის ბოლო თავში.</ref>
# აკადემიური დეპარტამენტი,
# სასწავლო და სტუდენტებთან ურთიერთობის დეპარტამენტი,
# უცხოეთთან ურთიერთობის დეპარტამენტი.
=== პროფესორ-მასწავლებლები და სტუდენტობა ===
ინსტიტუტში დასაქმებულია 85 [[ლექტორი]], მათ შორის 60 [[დოქტორი]] და კანდიდატი, 12 უცხოელი [[პროფესორი]] , ხოლო დღემდე საზღვარგარეთ კვალიფიკაცია 32 პროფესორ-მასწავლებელმა აიმაღლა .
დღიდან დაარსებისა დღემდე თბილისის [[აზია|აზიისა]] და [[აფრიკა|აფრიკის]] ინსტიტუტმა 520 [[ბაკალავრი]] (16 წლის განმავლობაში), 18 [[მაგისტრი]] (4 წლის განმავლობაში), 12 [[დოქტორი]] (8 წლის განმავლობაში) მოამზადა.
=== ინსტიტუტის გუნდი ===
==== მართვა და ხელმძღვანელობა ====
ინსტიტუტი დაარსდა 1991 წლის 14 ივნისს.
* ინსტიტუტის დირექტორი: პროფ. გურამ ჩიქოვანი
* ინსტიტუტის დირექტორის მოადგილე: პროფ. ქერიმ ამოევი
* ინსტიტუტის დეკანი: პროფ. გიორგი კაციტაძე
==== თანამშრომლები ====
* საერთაშორისო სტუდენტებთან ურთიერთობათა დეპარტამენტი: პროფ. მურმან ქუთელია
* სწავლების ხარისხის განვითარების დეპარტამენტი: ნინო ქილარჯიანი
* პარტნიორ უნივერსიტეტებთან ურთიერთობის ოფისი: თინათინ ქაროსანიძე
* უცხოელ სტუდენტთა მომსახურების ოფისი: გიორგი ნარიმანიშვილი
* საზოგადოებასთან ურთიერთობის განყოფილება: თეა გაგნიძე
* რექტორის ოფისი: ქრისტინა აჯიმიანი
* ბიბლიოთეკა: ეკა ქაჯაია, ეთერ ღვინიაშვილი
* კანცელარია: ციური გენძეხაძე
* სტუნდეტთა რეგისტრაციის სამსახური: ოლიკო ბერიძე
* სამდივნო: ნაირა გობეჯიშვილი
== აბიტურიენტთათვის ==
=== მიღების წესები ===
# [[აბიტურიენტი|აბიტურიენტების]] მიღება ხდება საქართველოს [[კანონი უმაღლესი განათლების შესახებ|უმაღლესი განათლების შესახებ კანონით]] განსაზღვრული წესების თანახმად.
# [[საქართველოს მოქალაქე|საქართველოს მოქალაქეებს]], რომელთაც სურთ სწავლა თბილისის თავისუფალი უნივერსიტეტის [[ბაკალავრიატი|ბაკალავრიატში]] განაგრძონ, უნდა ჩააბარონ [[ერთიანი ეროვნული გამოცდები]].
# თავისუფალ უნივერსიტეტში აბიტურიენტების ჩარიცხვა მოხდება ამ გამოცდებზე მიღებული სკალირებული ქულების საფუძველზე.
=== მისაღები გამოცდები ===
ინსტიტუტის აბიტურიენტებს მოეთხოვებათ [[ქართული ენა|ქართული ენისა]] და ლიტერატურის, ზოგადი უნარებისა და უცხო ენის ჩაბარება. თითოეული საგნისთვის მინიჭებულია შემდეგი კოეფიციენტები:
* ქართული ენა და ლიტერატურა — 3;
* ზოგადი უნარები — 4;
* უცხო ენა (ინგლისური, გერმანული, ფრანგული, რუსული) — 5.
=== აკრედიტაცია ===
თბილისის აზიისა და აფრიკის ინსტიტუტს [[2006]] წლიდან გააჩნია [[განათლების აკრედიტაციის ეროვნული ცენტრი]]ს სახელმწიფო [[აკრედიტაცია]].
== საგარეო კონტაქტები ==
ინსტიტუტი დაარსების პირველივე წლებიდან აქტიურად და წარმატებით თანამშრომლობს აღმოსავლეთის ქვეყნების უნივერსიტეტებთან;
# [[სამსუნის უნივერსიტეტი]] ([[თურქეთი]]),
# [[ბეირუთის არაბული უნივერსიტეტი]] ([[ლიბანი]]),
# [[ბალამანდის უნივერსიტეტი]] (ლიბანი),
# [[ალექსანდრიის უნივერსიტეტი]] ([[ეგვიპტე]]),
# [[დამასკოს არაბული ენის შემსწავლელი ცენტრი]] ([[სირია]]),
# [[კაიროს უნივერსიტეტი]],
# [[რას ელ ხიამის დოკუმენტთა და კვლევის ცენტრი]] ([[არაბთა გაერთიანებული საამიროები]]),
# [[ბაღდადის უნივერსიტეტი]] ([[ერაყი]]),
# [[ალეპოს უნივერსიტეტი]] (სირია) და
# [[თიშრინის უნივერსიტეტი]] ([[ლატაკია]], სირია).
გარდა ამისა, ინსტიტუტს მჭიდრო ურთიერთობა აკავშირებს ასევე [[მალტის უნივერსიტეტი|მალტის უნივერსიტეტთან]], [[მონტანა]]ს და [[ვაშინგტონი]]ს ამერიკულ ([[აშშ]]) და [[ფინეთი]]ს ჰუმანიტარულ და ტექნიკურ უნივერსიტეტებთან, [[სანკტ-პეტერბურგის სახელმწიფო უნივერსიტეტი|სანკტ-პეტერბურგის სახელმწიფო უნივერსიტეტთან]] და [[მოსკოვის ლომონოსოვის სახელობის უნივერსიტეტი|მოსკოვის ლომონოსოვის სახელობის უნივერსიტეტთან]] არსებული აზიისა და აფრიკის ქვეყნების ინსტიტუტთან ([[რუსეთი]]).
[[2003]] წელს აზიისა და აფრიკის ინსტიტუტი გახდა [[კულტურათა საერთაშორისო პარლამენტი]]ს წევრი.
[[2004]] წლიდან ინსტიტუტი თანამშრომლობს [[ქსიან-ჯიატონგის უნივერსიტეტი|ქსიან-ჯიატონგისა]] და [[ლანჯუს უნივერსიტეტი|ლანჯუს უნივერსიტეტებთან]] ([[ჩინეთის სახალხო რესპუბლიკა]]).
[[2005]] წელს ინსტიტუტმა მიიღო [[იაპონიის სახელმწიფო გრანტი]] — „[[იაპონური ენა|იაპონურ ენა]]ში კავკასიის კონკურსის ორგანიზებისა და ჩატარებისათვის“.
== სქოლიო ==
{{სქოლიოს სია}}
== იხილეთ აგრეთვე ==
* [[აზიისა და აფრიკის ინსტიტუტი|ამავე პროფილის სხვა ინსტიტუტები]]
* [[სემიტოლოგია]], [[ისლამოლოგია]], [[ოსმანისტიკა]]
* [[აფრიკანისტიკა]]
== რესურსები ინტერნეტში ==
=== ოფიციალური საიტები ===
* [http://www.freeuni.edu.ge/index.php?m=149 თბილისის აზიისა და აფრიკის ინსტიტუტი]
* [http://www.freeuni.edu.ge/ თბილისის თავისუფალი უნივერსიტეტი]
=== პრესა, რეზონანსი ===
* [http://www.publicity.ge/index.php?m=2&newsid=120 რევაზ საყევარიშვილი: „თბილისის თავისუფალი უნივერსიტეტი ასე; უნიკალური პროექტი უმაღლეს განათლებაში“ (21.02.2008)]
[[კატეგორია:საქართველოს უმაღლესი სასწავლებლები]]
| 