'''ტექნო''' არის [[ელექტრონული საცეკვაო მუსიკა|ელექტრონული საცეკვაო მუსიკის]] ერთ-ერთი ფორმა, რომელიც წარმოიშვა 80-იანი წლების მიწურულს ქალაქ დეტროიდში ([[მიჩიგანი_(შტატი)|მიჩიგანი]], [[აშშ]]). ტექნო, როგორც მუსიკალური ჟანრის სახელწოდება, პირველად ნახსენები იყო 1988 წელს. არსებობს ტექნოს სხვადასხვა სტილი, მაგრამ [[დეტროიტ-ტექნო]] მიიჩნევა ყველა სუბჟანრის საწყისად.
ტექნო წარმოიშვა ევროცენტრული სინთეზური მუსიკის შერწყმით აფრიკულ და ამერიკულ სხვადასხვა სტილებთანსტილთან, როგორებიცაა ჩიკაგო ჰაუსი, [[ფანკი]], ელექტრო და ელექტრონული ჯაზი. ამას დაემატა, ამერიკის კაპიტალისტური საზოგადოების ცხოვრებისთვის დამახასიათებელი წიგნის, ”მესამე ტალღა” (ინგ. ”The Third Wave”), მითიური და შეთხზული თემატიკის ზეგავლება. წიგნის ავტორია ელვინ ტოფლერი (ინგ. Alvin Toffler). ტექნოს, როგორც სტილის ერთ-ერთი დამფუძნებელი ხუან ატკინსი (ინგ. Juan Atkins) ამბობს, რომ ”ტექნო ეს არის მუსიკა, რომელიც ჟღერს, როგორც ტექნოლოგია”.
== ისტორია ==
ტექნოს ფუძემდბლად ითვლება ე.წ. '''”ბელვილის ტრიო”''' (ინგ.”Belleville Four”) - ”ინიციატორი” '''ხუან ატკინსი''' (ინგ. Juan Atkins, Originator), ”ნოვატორი” '''დერიკ მეი''' (ინგ. Derrick May, Innovator) და ”ელევატორი” '''კევინ სანდერსონი''' (ინგ. Kevin Saunderson, Elevator). ეს სამი შავკანიანი კოლეჯის მეგობარი დეტროიდისდეტროიტის საშუალო კლასის რაიონ ბელვილიდან არიან. როგორც ისინი თავად ამბობდნენ, მათ სურდათ Tangerine Dream -ის და Kraftwerk - ის სტილში, გერმანული ელექრტონიკა უფრო საცეკვაო გაეხადათ.
