'''სამურზაყანოს დაბლობი''' -— ვაკე დაბლობი დასავლეთ [[საქართველო]]ში, [[კოლხეთის დაბლობი]]ს ჩრდილო-დასავლეთი ნაწილი. სახელი ეწოდა [[სამურზაყანო]]ს ისტორიულ-ეთნოგრაფიული პროვინციის მიხედვით, მაგრამ გეოგრაფიულად მოიცავს უფრო ვრცელ ტერიტორიას - მდინარე [[ენგური|ენგურსა]] და [[კელასური|კელასურს]] შორის. დაბლობი აგებულია მეოთხეული ფხვიერი ალუვიური ნალექებით. დაბლობის [[შავი ზღვა|შავიზღვისპირა]] ზოლი დაბალია და მეტწილად დაჭაობებული, პერიფერიული ამაღლებული ნაწილი უფრო დრენირებულია. დაბლობისათვის დამახასიათებელია თბილი და თანაბარნესტიანი ჰავა, ტენიანი ტერიტორიისათვის ნიშანდობლივი ნიადაგები და კოლხური მცენარეულობა, კოლხური ტიპის [[ლანდშაფტი]]