'''ბარდა''' (Pisum), — ერთწლოვანი და მრავალწლოვანი [[მცენარე|მცენარის]] გვარი [[პარკოსნები|პარკოსანთა]] [[ოჯახი (ბიოლოგია)|ოჯახისა]]. გვარში გაერთიანებულია 6-7 სახეობა. კულტურაში ფართოდ არის გავრცელებული ''ჩვეულებრივი ბარდა'' (Pisum sativum), რომელიც ერთწლოვანი [[გაზაფხული|საგაზაფხულო]] ან [[შემოდგომა|საშემოდგომო]] მცენარეა[[მცენარე]]ა. აქვს 30-180 [[სმ]]-მდე სიმაღლის ღერო, ფოთოლი წყვილფრთისებრია, [[ყვავილი]] თეთრი, თვითდამმტვერავი. ნასკვიდან განაყოფიერების შემდეგ ვითარდება პარკი, ყოველ პარკში 3-11 გლუვი ან ნაოჭიანი სხვადასხვა ფერის თესლია. კარგად ხარობს საკმაო აერაციისა და სუსტი მჟავე ან ნეიტრალური რეაქციის თიხნარ ნიადაგებზე. იყენებენ კულინარიაში, ამზადებენ ბურღულს, ფქვილს, კონსერვსა და სხვა. მისი საკვები ჯიშები [[ცხოველი|ცხოველებისათვისაც]] მოჰყავთ. ბარდის სამშობლოდ აღმოსავლეთი ავღანეთი და ჩრდილო-დასავლეთი ინდოეთი ითვლება. [[საქართველო]]ში მოჰყავთ უმეტესად მაღალმთიან რაიონებში ([[ჯავახეთი]], [[მესხეთი]], [[თრიალეთი]], ქვემო იმერეთის[[იმერეთი]]ს ზოგ ადგილას და სხვა). დარაიონებული ჯიშია ახალქალაქური ბარდა.
