'''ათალოსის სტოა''' [[ათენის აგორა]]ში [[სტოა]]ს ერთ-ერთი ყველაზე ბრწყინვალე ნიმუშია. იგი ააგო [[პერგამონი]]ს მეფე [[ათალოს II]]-მ, რომელიც ძვ. წ. 159-138 წლებში მეფობდა.
[[ელენისტურიელინისტური ხანა|ელენისტურიელინისტური ხანისთვის]] დამახასიათებელი ნიშნით სტოა გაცილებით ორნამენტული და ვრცელი იყო ვინემ ძველი ათენის ადრეული შენობები. სტოას ზომებია 115x20 მეტრზე და ნაგებია მარმარილოთა და კირქვით. თავისი დროის სხვა შენობებისგან გამოირჩევა იმით, რომ [[დორიული ორდერი|დორიული წყობა]] გამოყენებული იყო პირველი (მიწის) სართულისთვის იონიური ქვედა შიდა კოლონადით, მაშინ როცა იმ დროის შენობებში ძირითადად ერთი ორდერი გამოიყენებოდა. ყველ სართულს ჰქონდა ორი ბაქანი და ოცდაერთი ოთახი დასავლეთის კედლის გასწვრივ. ორივე სართულის ოთახები განათებული იყო კარისა და მცირე ფანჯრების ღიობებით უკანა კედელზე. მეორე სართულზე ამავალი კიბეები მდებარეობდა სტოას ორივე ბოლოში. ზედა სართულის შიდა ორდერი ახალი პერგამენისა იყო, რაც დამახასიათებელი იყო იმ პერიოდისთვის.
