'''სურამის ციხე''' – [[არქიტექტურა|არქიტექტურული]], ისტორიული, მონუმენტური ხელოვნების ნიმუში, [[შუა საუკუნეები]]ს ციხესიმაგრე [[შიდა ქართლი|შიდა ქართლში]], [[ხაშურის მუნიციპალიტეტი|ხაშურის მუნიციპალიტეტის]] დაბა [[სურამი]]ს ჩრდილოეთ ნაწილში, [[მდინარე]] [[სურამულა|სურამულის]] მარჯვენა ნაპირზე, კლდოვან გორაკზე. ციხე მნიშვნელოვანია როგორც ისტორიული, მონუმენტური ხელოვნების ნიმუში. სურამის ციხე ორი მთავარი გზის შესაყარზე მდებარეობს. ერთი მიემართება [[ლიხის ქედი|ლიხის]] გადასასვლელებით დასავლეთისაკენ, მეორე კი – [[ბორჯომის ხეობა|ბორჯომის ხეობით]] სამხრეთისაკენ.<ref>ნ. ზაქარაია, ქართული ციხესიმაგრეები, კრებული „ფრესკა“, თბ. 1985 წ. გვ. 15</ref>