წარმომშობი ქსოვილი

წარმომშობი ქსოვილი ანუ მერისტემა (ბერძნულად "მერისტოს"–გაყოფადი) შედგება წვრილი უჯრედებისაგან და, ჩვეულებრივ, არ შეიცავს ვაკუოლებს. მოზრდილ მცენარეში მერისტემა შენარჩუნებულია სხეულის მხოლოდ ცალკეულ , მზარდ ნაწილებში. მაგალითად, კენწრული მერისტემა განაპირობებს ღეროსა და ფესვის სიგრძეში ზრდას. გვერდითი მერისტემა კი–სისქეში მატებას. მცენარე არსებობის მანძილზე იზრდება სწორედ მერისტემის უჯრედების გაყოფით.