ლონდინიუმი: განსხვავება გადახედვებს შორის

 

=== გარეუბნები ===

[[ფაილი:Southwark painting retouched.jpg|thumb|მდიდრულად მორთული სახლის კედლის მხატვრობა Southwark–ში. დაახლ. [[150]] წ.]]

[[ტემზა]]ს მეორე, სამხრეთ ნაპირზე (დღევანდელი საუთვარკი) მდებარეობდა საკმაოდ მოზრდილი გარეუბანი, რომელიც ლონდინიუმის მთავარ ნაწილს ხიდით უკავშირდებოდა. ეს ადგილი ვაკე იყო, ხშირად იტბორებოდა [[მდინარე|მდინარის]] წყლით და ამიტომ დასახლება მხოლოდ მცირე ბერდობზე იყო შესაძლებელი. დასახლების გეგმარება ტიპური რომაული გარეუბნისას შეესაბამებოდა და განვითარებული იყო არტერიული გზების გასწვრივ. მიუხედავად ამისა, აქ მნიშვნელოვანი ქვის სახლებიც აღმოჩნდა, რომლებსაც ნაწილობრივ მდიდრული ინტერიერიც გააჩნდათ. სავარაუდოდ აქ იდგა [[ისიდა]]ს ტაძარიც. ერთ-ერთი წარწერა, რომელიც ამ გარეუბანთან აღმოჩნდა, იხსენიებს ლეგიონერებს თავისი სახელებით. უცნობი რჩება, რა მიზნითაა ეს წარწერა შესრულებული ან რა კავშირი აქვს მას ამ დასახლებასთან<ref>K. Heard, H. L. Sheldon, P. Thompson: ''{{lang|en|“Mapping Roman Southwark”}}.'' In: ''Antiquity.'' 64, 1990, გვ. 608–619; Yule: ''A Prestigious Roman Building.'' იხ. ასევე ინტერნეტში: [http://www.eng-h.gov.uk/archrev/rev95_6/southwrk.htm Southwark, Roman waterfront buildings and industry, assessment and analysis]</ref>. შესაძლოა ეს უკავშირდებოდეს რომაულ მანსიოს (შესასვენებელი ადგილი მგზავრებისათვის), რომელიც აქაა ნავარაუდევი<ref>Yule: ''A Prestigious Roman Building.'' გვ. 69–72.</ref>. ამ გარეუბანშია ასევე ნაპოვნი ტაძართა კომპლექსი ორი ნაგებობით.