სტივ ვაი: განსხვავება გადახედვებს შორის

სტივენ "სტივ" სირო ვაი, დ. [[6 ივნისი]], [[1960]] წელი, კარლ პლეისი, [[ნიუ–იორკი]], [[აშშ]], იტალიურ–ამერიკული წარმოშობის, გრემის ნომინანტი გიტარისტი–ვირტუოზი, [[კომპოზიტორი]], [[ვოკალისტი]] და [[პროდიუსერი]]ა, რომელიც თანამედროვე მუსიკის სინამდვილეში გამორჩეულია თავისი იშვიათი ინდივიდუალურობით, მისი [[გიტარა]]ზე დაკვრის ფორმები და კომპოზიტორული ექსპერიმენტები ზოგჯერ არათუ არ ემორჩილებიან რაიმე სახის განსაზღვრას, არამედ არ ეტევიან ამა თუ იმ უკვე არსებულ და დამკვიდრებულ მუსიკალურ საზღვრებში. ზოგიერთი შეფასებით, სტივ ვაი ერთის ნაცვლად ორი მუსიკოსია: ერთის მხრივ, ის არის გიტარისტი–ვირტუოზი, რომელიც თავის ხელოვნებას აახლოებს ღრმა პატივისცემასამოკრძალებასა და [[მისტიციზმი|მისტიციზმთან]], მეორეს მხრივ კი ის [[ჰევი მეტალი]]ს თაყვანისმცემელი, მძიმე მუსიკისადმი მსწრაფველი როკერია. გარდა საკუთარი შემოქმედების და ორიგინალური ალბომებისა, მას მონაწილეობა აქვს მიღებული ძალიან ბევრი ცნობილი როკ თუ პოპ ვარსკვლავების, ჯგუფების კონცერტებსა და ალბომების ჩაწერაში. მისი თითქმის 20 წლიანი წარმატებული მუსიკალური კარიერის განმავლობაში გაიყიდა 15 მილიონზე მეტი ჩანაწერი, ის 13 ჯერ წარდგენილი იქნა [[გრემი]]ს ნომინაციაზე და 3 ჯერ მოიპოვა ეს საპატიო სახელი. სტივ ვაი ცნობილია აგრეთვე თავისი საქველმოქმედო და მუსიკალურ საგანმანათლებლო მოღვაწეობით: იყო ნდობით აღჭურვილი საპატიო წევრი ორგნაიზაციისა NARAS ([[ინგლ.]] [[National Academy of the Recording Arts and Sciences]] – ხელოვნებისა და მეცნიერების ჩაწერის ეროვნული აკადემია), მჭიდრო კავშირშია მის მიერ შექმნილ ფონდთან [[Make a Noise Foundation]], რომლის მიერ აკუმულირებულ სახსრები მუსიკალურ განათლებას ხმარდება. გარდა ამისა, არის მსახიობი, საკუთარი [[ლეიბლი]]ს, [[Favored Nations]]–ის მფლობელი და მეფუტკრე. სტივ ვაი რეგულარული, თითქმის ყოველწლიური მონაწილეა ცნობილი პროექტისა, სახელწოდებით [[G3]], რომლის სულისჩამდგმელი და ორგანიზატორია მისი ყოფილი, [[გიტარა]]ზე დაკვრის მასწავლებელი საქვეყნოდ ცნობილი და აღიარებული [[ვირტუოზი]] [[ჯო სატრიანი]].