კომში: განსხვავება გადახედვებს შორის

'''კომში''', ''ბია'' (Cydonia), [[მრავალწლოვანი მცენარეები|მრავალწლოვანი მცენარის]] გვარი [[ვარდყვავილოვანნი|ვარდყვავილოვანთა]] ოჯახისა. არსებობს 1 სახეობა — [[ჩვეულებრივი კომში]] (Cydonia oblonda). კომში ტანდაბალი ხე ან ბუჩქია, რომლის სიმაღლე 1,5-5 მ აღწევს. ნაყოფი ყვითელია, მსხლისებრი ან ვაშლისებრი ფორმა აქვს, შებუსული ან შეუბუსავია. რბილობი მოთეთროა, მორკბო-მომჟავო ან მჟავე, არომატული. შეიცავს (%-ობით): 7,22-15,06 შაქარს, 0,24-1,26 ორგანულ მჟავებს, 0,18-0,98 პექტინს და სხვა. ამზადებენ [[მურაბა]]ს, კომპოტს, [[ხილფაფა]]სა და სხვა. კომში ველურად იზრდება [[კავკასია]]ში, [[შუა აზია]]სა და [[ირანი|ირანში]]. [[კულტივირებული მცენარეები|კულტივირებულია]] თითქმის ყველგან. ამრავლებენ თესლით ან ვეგეტატიურად. [[საქართველო]] კომშის ერთ-ერთი სამშობლოა, აქ ადგილობრივი წარმოშობის 75 ჯიში არსებობს. საუკეთესო ჯიშებია [[ლაგოდეხის მსხვილნაყოფა]], [[ქართული მჟავე]], [[შილდური საგვიანო]], [[საკომპოტე]] და სხვა.