ჯულია ლენონი: განსხვავება გადახედვებს შორის

== გავლენა ჯონ ლენონზე ==

 

ჯულიას სიკვდილმა ისეთი ტრავმა მიაყენა მოზარდ ჯონს, რომ შემდგომი ის ორი წლის განმავლობაში ეტანებოდა სასმელს და ხშირად ერთვებოდა ჩხუბებში. ამ ტრაგედიამ მასში ემოციური სირთულეები გამოიწვია, რაც თან სდევდა ცხოვრების ხანგრძლივი მონაკვეთის მანძილზე, თუმცაღა ამანვე შეუწყო ხელი მაკარტნისთან დაახლოებაში, ვინაიდან მანაც დაკარგა დედა ადრეულ ასაკში. ჯულიას ხსოვნა ისეთი სიმღერების შექმნის შთაგონების წყაროდ იქცა, როგორებიცაა ”ბითლზის” "Julia" თავისი ზღაპრული წარმოსახვებით გამოთქმული ფრაზით: "hair of floating sky glimmering", რაც ჯონის ჭაბუკობის ხანიდან მისი დედის ხსოვნის გამოძახილია. ჯონი აღნიშნავდა: ”ეს იყო იოკოსა და დედაჩემის თავისებური შეხამება, რომელიც ერთ არსში გაერთიანდნენ”. სიმღერები ”Mother" და "My Mummy's Dead" დაიწერა არტურ იანოვის "Primal Scream" თერაპიის ზეგავლენით, რომელიც შევიდა ჯონ ლენონის 1970 წელს გამოცემულ სოლო ალბომში ”[[John Lennon/Plastic Ono Band]]”. ლენონის პირველი შვილის [[ჯულიან_ლენონი|ჯულიანისათვის]] სახელიც სწორედ დედის საპატივცემულოდ იქნა შერქმეული.