'''ბაგრატ VI''', იმერეთში '''ბაგრატ II''' (დაახლოებით დ. დაახლოებით [[1439]] — გ. [[1478]]), [[იმერეთის სამეფო|იმერეთის]] მეფე [[1463]]-[[1466]], ქართლ-იმერეთის მეფე [[1466]]-[[1478]], ბაგრატიონთა იმერეთის შტოს წარმონადგენელი. XV საუკუნის შუა წლებში იყო სამოქალაქოს ერისთავი. სამეფო ხელისუფლების მოწინააღმდეგე [[ყვარყვარე II ჯაყელი|ყვარყვარე II ჯაყელთან]] კავშირის გამო საქართველოს მეფე [[გიორგი VIII|გიორგი VIII-მ]] ბაგრატ VI-ს [[1462]] [[ქუთაისი]] ჩამოართვა. ბაგრატ VI აჯანყდა, [[1463]] [[ჩიხორის ბრძოლა]]ში გიორგი VIII დაამარცხა და იმერეთის მეფედ ეკურთხა. [[1465]] გიორგი VIII ყვარყვარე II ჯაყელმა დაატყვევა; ბაგრატ VI-მ ამით ისარგებლა, ქართლში გადავიდა და [[1466]] თავი მეფედ გამოაცხადა. [[1477]] საქართველოში შემოჭრილმა ირანის ლაშქარმა [[უზუნ-ჰასანი]]ს მეთაურობით [[თბილისი]], [[გორი]] და ქართლის ვაკე დაიკავა. ბაგრატ VI უზუნ-ჰასანს დაუზავდა და ხარკი იკისრა, მაგრამ მალე, უზუნ-ჰასანის სიკვდილისთანავე ([[1478]]), მტერმა საქართველო მიატოვა.
==ლიტერატურა==
* ''ჩხატარაიშვილი ქ.'', ქსე, ტ. 2, გვ. 130, თბ., 1977
{{დაიწყე ყუთი}}
{{მემკვიდრეობის ყუთი| ტიტული= [[იმერეთის სამეფო|იმერეთის მეფე]]| წინამორბედი= სამეფო დაარსდა| შემდეგი= სამეფოს წყვეტა| წლები= [[1463]] - [[1466]]}}