ბილი ჯო არმსტრონგი: განსხვავება გადახედვებს შორის

▲სიმღერა ბილიმ ძალიან ადრე, 5 წლის ასაკში დაიწყო. ის ხშირად მიდიოდა საავადმყოფოში და ასრულებდა სიმღერებს პაციენტების წინაშე. ცოტა მოგვიანებით მას უკვე გაუჩნდა თავისი საკუთარი სიმღერა "Look For Love", რომელიც ადგილობრივმა კომპანიამ Fiat Records–მა ჩაწერა. 13 წლის ასაკში დედამ ბილის პირველი ელექტრო–გიტარა აჩუქა, ეს იყო განთქმული "Blue", რომელზეც ვარსკვლავი დღემდე უკრავს.

▲12 წლის ასაკში, სკოლის კაფეში, ბილიმ მაიკ დირნტი(Mike Dirnt)გაიცნო. ერმანეთთან ღამეების გათევებით, ისინი უსმენდნენ და ასრულებდნენ ისეთი როკის გრანდების სიმღერებს, როგორებიც ოზზი ოსბორნი(Ozzy Osbourne), დეფ ლეპარდი(Def Leppard) და ვან ჰალენი(Van Halen)არიან. ასევე არც ისე პატარა გავლენა მათ მუსიკაზე იქონია ალტერნატიური ჯგუფის "Bay Area"–ს შემოქმედებამ, 80–იან წლების განმავლობაში. 14 წლის ასაკში, ბილი ჯომ შექმნა თავისი პირველი სიმღერა ("Why Do You Want Him?"), რომელიც ასახავდა დედამისს და თავის მამინაცვალს. 1987 წელს ბილი ჯომ და მაიკმა ჯგუფში Sweet Children დაპატიჟეს დრამერი ჯონ კრიფტმაიერი (John Kriftmeyer), ფსევდონიმით ალ სობრანტი (Al Sobrante), და დაიწყეს თავიანთი შემოქმედებითი კარიერა. მათი პირველი და არა უკანასკნელი გამოსვლა ჩატარდა კლუბში Rods Hickory Pit in Vallejo. ერთი დღით ადრე სანამ 18 წლის გახდებოდა, თითქმის უკვე სკოლა დამთავრებულმა, თავი დაანება სწავლას და გადაწყვიტა მთელი თავისი დრო Sweet Children–ისთვის დაეთმო. მის მოწოდებად მუსიკა იქცა.

▲1990 წელს მათმა დრამერმა ალ სობრანტმა დატოვა ჯგუფი. ბილის და მაიკს მოუწიათ ამ თანამდებობაზე ახალი კანდიდატურის ძებნა. საუკეთესო ვარიანტი აღმოჩნდა Frank Wright, ტრე კული (Tre Cool). მისი მოსვლის შემდეგ ჯგუფმა შეიცვალა სახელი იმაზე, რომლითაც ის ახლა მთელი მსოფლიოსთვის ცნობილია – Green Day. მაგრამ მაშინ ყველაფერი მხოლოდ იწყებოდა. თავისი პირველი ტურნე ქვეყანაში ბიჭებმა მოახდინეს ტრეს მამასთან ერთად, რომელიც ატარებდა მათ თავის ძველ ბორბლებიან სახლზე.

▲მინიაპოლისში ბილიმ გაიცნო გოგონა სახელად ადრიანა ნესერი(Adrienne Nesser), რომელიც შემდეგ 1994 წლის 2 ივლისს მისი ცოლი გახდა. ქორწილის მეორე დღეს ცნობილი გახდა, რომ ადრიანა ფეხმძიმედ იყო. 1995 წლის მარტში ბილი ჯოს შეეძინა ბიჭი, რომელსაც დაარქვეს ჟოზეფ მარსიანო(Joseph Marcicano). 1998 წლის სექტემბერში კი ცოლმა მას მოერე ბიჭი აჩუქა – ჯეიკობ დეინჯერი (Jacob Danger). ახლა ბილი ჯო არმსტრონგის ოჯახი ქალაქ ბიორკლიში, კალიფორნიის შტატში ცხოვრობს.

▲Green Day-ს გარდა, ბილი ჯო არმსტრონგი გამოდიოდა ისეთ ჯგუფებშიც როგორებიც Pinhead Gunpowder (სადაც დღემდე უკრავს), Blatz, Rancid (1 კონცერტი შეასრულა მათთან ერთად და თანაავტორია სიმღერის "Radio"), The Lookouts, Goodbye Harry და Corrupted Morals არიან.