'''ძაღლყურძენა''' – მცენარეთა გვარი [[ძაღლყურძენისებრნიძაღლყურძენასებრნი|ძაღლყურძენისებრთაძაღლყურძენასებრთა]] ოჯახისა. მრავალწლოვანი, იშვიათად ერთწოვანი ბალახები, ნახევრად ბუჩქებია ან ბუჩქებია, ზოგჯერ ხეებიც. სწორი, მცოცავი ან ხვიარა ღერო აქვთ. 1700-მდე სახეობა გავრცელებულია [[ტროპიკული სარტყელი|ტროპიკულ]], [[სუბტროპიკული სარტყელი|სუბტროპიკულ]] და [[ზომიერი სარტყელი|ზომიერ]] სარტყლებში, მაგრამ ძირითადად [[სამხრეთი ამერიკა|სამხრეთ ამერიკაში]]. ძაღლყურძენის გვარს მიეკუთვნება მნიშვნელოვანი კულტურული მცენარეები – [[კარტოფილი]], [[ბადრიჯანი]], ზოგჯერ [[პამიდორი]]. საქართველოში იზრდება 11 სახეობა; იზრდებიან მთის შუა სარტყლამდე ტყეებსა და ბუჩქნარებში, გზის პირებზე, დანაგვიანებულ ადგილებზე, სარეველად ბოსტნებში. ძაღლყურძენას ზოგი სახეობა დეკორატიული და თაფლოვანია, ზოგს ხალხურ მედიცინაში იყენებენ.
