ენერგია: განსხვავება გადახედვებს შორის

'''ენერგია''' — ყველა სახის [[მატერია|მატერიის]] მოძრაობის და ურთიერთქმედების რაოდენობრივი ზომა. ენერგიის არაფრისგან გაჩენა, ისევე, როგორც მისი გაქრობა, შეუძლებელია; [[ენერგიის მუდმივობის კანონი|ენერგიის მუდმივობის კანონის]] თანახმად, ენერგია ერთი ფორმიდან მეორეში გადადის. მატერიის მოძრაობის ფორმების მიხედვით, განასხვავებენ მექანიკურ ენერგიას, [[შინაგანი ენერგია|შინაგან ენერგიას]], ქიმიურ ენერგიას, ელექტრომაგნიტურ ენერგიას, ბირთვულ ენერგიას და ა. შ., თუმცა ეს დაყოფა პირობითია. მაგალითად, ქიმიური ენერგია წარმოადგენს [[ელექტრონი|ელექტრონების]] [[კინეტიკური ენერგია|კინეტიკური ენერგიის]] და მათი ერთმანეთთან და [[ატომბირთვი|ატომბირთვთან]] ურთიერთქმედების [[პოტენციური ენერგია|პოტენციური ენერგიის]] ჯამს. შინაგანი ენერგიაც ორი წევრის ჯამია: 1) სხეულის [[მასათა ცენტრი|მასათა ცენტრის]] მიმართ [[მოლეკულა|მოლეკულების]] ქაოსური მოძრაობის კინეტიკური ენერგია; 2)მოლეკულების ურთიერთქმედების პოტენციური ენერგია. სისტემის ენერგია სისტემის მდგომარეობის დამახასიათებელი პარამეტრების ცალსახა ფუნქციას წარმოადგენს. უწყვეტი გარემოს ან [[ველი|ველის]] შემთხვევაში ენერგიის სიმკვრივის და ენერგიის ნაკადის სიმკვრივის ცნება შემოაქვთ; პირველს განსაზღვრავენ როგორც ენერგიას მოცულობის ერთეულში, ხოლო მეორეს — როგორც ენერგიის სიმკვრივისა და ენერგიის გადაადგილების სიჩქარის ნამრავლს.