სახელმწიფო საზღვარი: განსხვავება გადახედვებს შორის

'''სახელმწიფო საზღვარი''' - საზღვარი ორ ან მეტ სახელმწიფოებს შორის. საზღვრების რამდენიმენაირი [[კლასიფიკაცია]] არსებობს. ერთ–ერთი ყველაზე გავრცელებულია [[ბოგსი]]ს კლასიფიკაცია (Bogges,1940), რომელიც სახმელეთო საზღვრებს ასე აჯგუფებს:ფიზიოგრაფიული, ანტროპოგეოგრაფიული, გეომეტრიული და კომპლექსური.

*''ფიზიოგრაფიული'' საზღვრები მიჰყვება ტერიტორიის გამოკვეთილ [[ფიზიკა|ფიზიკურ]] ნიშნებს, მაგალითად [[მდინარე]]ს, ქედს, ტბის ნაპირს და ა.შ.

*''ანტროპოგრაფიული'' საზღვრები ადამიანის ხელით შექმნილ ნიშნებს მიჰყვება. ეს შეიძლება იყოს, მაგალითად, [[რკინიგზა]].

*''გეომეტრიული'' საზღვრები მისდევს[[ გრძედი|გრძედს]] ან [[გამედი|განედს]], როგორც მაგალითად,[[ეგვიპტე| ეგვიპტის]] დასავლეთ და სამხრეთ საზღვრები.

*''კომპლექსური'' საზღვრები ზემოაღნიშნულის ნებისმიერ კომბინაციას წარმოადგენს.

*''პოზიციური დავა'' ეხება ხოლმე საზღვრის ზუსტ მდებარეობას: ის გამომდინარეობს ან იურიდიული დოკუმენტების სხვადასხვაგვარი ინტერპრეტაციიდან, ან წარმოიშობა საზღვრის ფიზიკური თავისებურებების ცვლილების შედეგად (მაგალითად მდინარის კალაპოტის შეცვლის, [[კუნძული]]ს აღმოცენებისა თუ გაქრობის გამო)

*''ტერიტორიული დავის'' საბაბს ქმნის ერთსა და იმავე მიწაზე მეზობელი ქვეყნების პრეტენზია, რაც ჩვეულებრივ ეყრდნობა სხვადასხვა პოზიციიდან გაგებულ [[ისტორია]]ს ან "გეოგრაფიულ აუცილებლობას"(მაგალითად, ჩაკეტილი ქვეყნის მისწრაფებას გავიდეს ღია [[ზღვა]]ზე და ა.შ.)

*''ფუნქციური დავის'' შემთხვევაში, მეზობელი მხარეები ჩივიან, რომ საზღვარი უარყოფით გავლენას ახდენს ადამიანების, ტვირთების გადაადგილებაზე, მიწის გამოყენებაზე(მაგალითად, საძოვრად).

*''საზღვარგადაღმა რესურსული დავა'' წარმოიშობა, როდესაც ერთი ქვეყანა მიიჩნევს, რომ მეორე ქვეყანა მის ხარჯზე იყენებს ბუნებრივ რესურსებს, მაგალითად წყალს. ასეთი დავა განსაკუთრებით ხშირად ხდება [[სპარსეთის ყურე|სპარსეთის ყურის]] ქვეყნებს შორის [[ნავთობი]]სა და [[გაზი]]ს წყალქვეშა [[საბადო]]ების ექსპლუატაციის თაობაზე.