'''ბაგრატ I''' ერისთავი (― †გ. [[1372]]), იმერეთის ტახტის პრეტენდენტი, [[დავით VI | დავით VI ნარინის]] შვილიშვილი. მამის, მიქელ დავითის ძის, გარდაცვალებისას მცირეწლოვანი იყო და ფაქტობრივად მხოლოდ სამეფო დომენს ფლობდა. [[1330]] [[გიორგი V ბრწყინვალე]] იმერელ ფეოდალთა ნაწილთან შეთანხმებით დასავლეთ [[საქართველო | საქართველოში]] გადავიდა და [[ქუთაისი | ქუთაისის]] ციხეში თავისი მომხრეებით გამაგრებულ ბაგრატ I-ს ალყა შემოარტყა. ბაგრატ I იძულებული გახდა მეფეს მორიგებოდა და იმერეთი დაეთმო. სამაგიეროდ გიორგი V-მ მას შორაპნის საერისთავო უბოძა. [[1358]] ბაგრატ I-მა საქართველოს მეფის [[დავით IX | დავით IX-ის]] ნებართვით ცოლად შეირთო ყვარყვარე ათაბაგის ასული, რომელთანაც სამი ვაჟი: ალექსანდრე, გიორგი და კონსტანტინე შეეძინა.
