სან-ანტონიო (პარაგვაი)
სან-ანტონიო (ესპ. San Antonio) — ქალაქი პარაგვაიში, ცენტრალურ დეპარტამენტში. კოლონიურ პერიოდში იგი საკმაო მნიშვნელობის ქალაქი იყო, რადგან ე. წ. სამეფო გზაზე მდებარეობდა, რომელიც ქალაქ ვილიეტისკენ მიემართებოდა. დღეისათვის ქალაქში დიდი ინდუსტრიული ზრდა მიმდინარეობს.
| ქალაქი | |
|---|---|
|
სან-ანტონიო San Antonio | |
 სან-ანტონიოს ეკლესია | |
| ქვეყანა |
 პარაგვაი |
| დეპარტამენტი | ცენტრალური |
| კოორდინატები | 25°22′47″ ს. გ. 57°36′35″ დ. გ. / 25.37972° ს. გ. 57.60972° დ. გ. |
| დაარსდა | 1903 |
| ფართობი | 23 კმ² |
| ცენტრის სიმაღლე | 57 მეტრი |
| მოსახლეობა | 38 933 კაცი (2008) |
| სიმჭიდროვე | 15 კაცი/კმ² |
| სასაათო სარტყელი | UTC-4, ზაფხულში UTC-3 |
| სატელეფონო კოდი | 021 |
| საფოსტო ინდექსი | 2650 |
  | |
ისტორია
რედაქტირებაზოგიერთ ისტორიკოსს მიაჩნიათ, რომ ქალაქი ხოსე გასპარ როდრიგეს ფრანსიამ დააარსა (1814–1840), რომელმაც აქ პარაგვაის ტერიტორიების დაცვის მიზნით ციხესიმაგრე ააშენა. სხვების აზრით კი ქალაქი 1679 წელს დაარსდა. 1782 წელს, ფრანსისკანელმა მისიონერებმა ასუნსიონელების დაფინასებით ამ არეალში ქალაქი დააარსეს. ყველაზე გავრცელებული შეხედულების თანახმად კი სან-ანტონიო 1890 წელს გერმანელმა გუსტავო კონრადო გოტესმა დააარსა.
სან-ანტონიოს განსაკუთრებული მნიშვნელობა პარაგვაის ომებში ენიჭებოდა (1864–1870). 1868 წელს მის პორტში ბრაზილიის ძალები შევიდნენ, სადაც ისტორიული იტოტოროს ბრძოლა გაიმართა. ომის შემდეგ სან-ანტონიო დაიცალა. 1903 წელს, აქ პარაგვაელი მოქალაქე აგუსტინ კინიონესი გადასახლდა და ქალაქის განვითარებაც დაიწყო, ეს ფაქტობრივად ქალაქის ხელახლა დაარსება იყო. ამის შემდეგ, საცხოვრებლად გადმოსახლდა რამდენიმე ფრანგული, იტალიური, გერმანული და ესპანური წარმოშობის ოთახი.
მდებარეობა
რედაქტირებასან-ანტონიო მდინარე პარაგვაიზე, დედაქალაქ ასუნსიონიდან 25 კმ-ით სამხრეთით მდებარეობს. ჩრდილოეთით ესაზღვრება ქალაქები — ნიემბი და ვილია-ელისა, სამხრეთით — იპანე.
კლიმატი
რედაქტირებაქალაქის კლიმატზე გავლენას ახდენს მდინარე პარაგვაი, რის გამოც ღამე და ადრიანი დილა გრილია, დღე კი საკმაოდ ცხელი. ზაფხულში ტემპერატურა 25-36 °C (77-97 °F) -ს შორის მერყეობს, ზამთარში კი 8-12 °C (46-54 °F).
იხილეთ აგრეთვე
რედაქტირებარესურსები ინტერნეტში
რედაქტირება- SENATUR დაარქივებული 2012-11-12 საიტზე Wayback Machine.