სანქტ-პეტერბურგის დიდი სინაგოგა
სანქტ-პეტერბურგის დიდი სინაგოგა (რუს. Большая хоральная синагога) — სინაგოგა სანქტ-პეტერბურგში. აგებულია 1883-1893 წლებში. მდებარეობს ლერმონტოვის პროსპექტზე № 2. პროექტის ავტორებია არქიტექტორები ლევ ბახმანი და ივან შაპოშნიკოვი, ვლადიმირ სტასოვისა და ნიკოლოზ ბენუას მონაწილეობით. წარმოადგენს სანქტ-პეტერბურგის ებრაელთა სასულიერო ცენტრს.
| სანქტ-პეტერბურგის დიდი სინაგოგა | |
| |
  | |
ძირითადი ინფორმაცია
| |
|---|---|
| გეოგრაფიული კოორდინატები | 59°55′30″ ჩ. გ. 30°17′31″ ა. გ. / 59.92500° ჩ. გ. 30.29194° ა. გ. |
| რელიგიური კუთვნილება | იუდაიზმი |
| ქვეყანა |  რუსეთი
|
| ადგილმდებარეობა | სანქტ-პეტერბურგი |
| ფუნქციური სტატუსი |  რუსეთის კულტურული მემკვიდრეობის ძეგლი
|
| საიტი | ოფიციალური ვებგვერდი |
ხუროთმოძღვრების აღწერა
| |
| ხუროთმოძღვრული სტილი | მავრიტანიული სტილი |
| თარიღდება | 1883-1893 |
ისტორია რედაქტირება
XIX საუკუნის შუა წლებში სანქტ-პეტერბურგის ებრაული საზოგადოება 10 000 ადამიანს მოითვლიდა. მათ ჰქონდათ რამდენიმე მცირე სამლოცველო, მაგრამ რელიგიური საჭიროებებისათვის ისინი საკმარისი არ იყო. ამის გამო სათვისტომოს ინიციატივით დაიწყეს ახალი სინაგოგის მშენებლობა. მთავარი სპონსორი გახდა ბარონი ჰორაციო გინცბურგი და ქალაქის ებრაული სათვისტომოს პირველი თავმჯდომარე, მეცენატი სამუილ პოლიაკოვი. შენობის პროექტი შეიმუშავეს არქიტექტორებმა ლევ ბახმანმა და ივან შაპოშნიკოვმა, ვლადიმირ სტასოვისა და ნიკოლოზ ბენუას მონაწილეობით. მშენებლობა გაგრძელდა 1893 წლამდე. სინაგოგის შენობა ააშენეს აღმოსავლურ მავრიტანულ სტილში.
სინაგოგის აშენების შემდეგ ყველა მცირე ებრაული სამლოცველო დახურეს. 1909 წელს სინაგოგის გარშემო ხის ღობის ნაცვლად ქვის ღობე ააშენეს.
1929 წლის 29 ივნისს გამოვიდა ლენინგრადის საბჭოს პრეზიდიუმის დადგენილება ებრაული რელიგიური საზოგადოების დახურვის შესახებ. 1930წლის 17 იანვარს სინაგოგა დახურეს. მაგრამ ამავე წლის 1 ივნისს სინაგოგა კვლავ გაიხსნა ებრაელების მიერ ამ პერიოდის ქვეყნის საკანონმდებლო ორგანოსადმი მიმართვის შემდეგ.
1943-1973 წლებში სინაგოგის რაბინი იყო აბრამ ლუბანოვი.
XXII ზაფხულის ოლიმპიადის წინ, რომელიც უნდა გამართულიყო მოსკოვში, ლენინგრადსა და ტალინში, სინაგოგა შეიტანეს ძირითადი საექსკურსიო ობიექტების სიაში, ამის გამო სახელმწიფომ გამოყო თანხა მის გასარემონტებლად.
2012 წლის მაისში ვანდალიზმის აქტი მოხდა, სინაგოგის ღობეზე სვასტიკა მიახატეს[1].
2013 წლის 8 დეკემბერს აღინიშნა სინაგოგის 120 წლისთავი, გამოუშვეს საიუბილეო მონეტა. საიუბილეო მონეტა ასევე გამოუშვეს 100 და 110 წლისთავზე[2][3].
რესურსები ინტერნეტში რედაქტირება
- Сайт синагоги
- Конкурсный проект синагоги (Зодчий, СПб, 1881)
- История Большой хоральной синагоги
- Большая хоральная синагога // портал «Петербург»
- Панорамные снимки интерьеров синагоги დაარქივებული 2011-11-02 საიტზე Wayback Machine.
- «Большая хоральная синагога. Зодчие Лев Бахман, Иван Шапошников, Алексей Малов» დაარქივებული 2014-07-14 საიტზე Wayback Machine. документальный фильм из цикла «Красуйся, град Петров!»
- Фильм RTG-TV о Большой Хоральной Синагоге СПб
სქოლიო რედაქტირება
- ↑ Swastika spray-painted on synagogue დაარქივებული 2012-06-11 საიტზე Wayback Machine. (ინგლისური)
- ↑ დაარქივებული ასლი. დაარქივებულია ორიგინალიდან — 2014-11-27. ციტირების თარიღი: 2018-12-12.
- ↑ http://foiver.orgfree.com/imagesMP/38.jpg
