„პარკ დე პრენსი“ (ფრანგ. Parc des Princes — პრინცების პარკი) — საფეხბურთო სტადიონი პარიზში (საფრანგეთი), რომელიც იტევს 49 691 მაყურებელს. „პარი სენ-ჟერმენის“ საშინაო არენა.

პარკ დე პრენსი
მდებარეობა პარიზი, საფრანგეთი
აშენდა 1897
გაიხსნა 1897, 18 ივლისი
ტევადობა 49 691
გუნდები
პარი სენ-ჟერმენი

1998 წლამდე აგრეთვე ითვლებოდა საფრანგეთის ნაკრების საშინაო სტადიონად, ვიდრე პარიზის გარეუბანში, სენ-დენიში, სპეციალურად 1998 წლის მსოფლიო ჩემპიონატისთვის „სტად დე ფრანსი“ არ აშენდა.

„პარკ დე პრენსმა“ ორ ფინალს უმასპინძლა ევროპის ჩემპიონატის ეგიდით: 1960 და 1984 წლების ფინალები. საკლუბო დონეზე უმასპინძლა სამ ფინალს ჩემპიონთა ლიგასა (1956, 1975-სა და 1981 წლების ფინალებს) და ორს თასების მფლობელთა თასზე (1978-სა და 1995 ფინალებს).

გარდა საფეხბურთოსა, სტადიონზე რეგულარულად ტარდება სარაგბო მატჩები, მათ შორის, საფრანგეთის ნაკრების მონაწილეობითაც.

რესურსები ინტერნეტში რედაქტირება