ნანა ალექსანდრია
ნანა გიორგის ასული ალექსანდრია (დ. 13 ოქტომბერი, 1949, ფოთი) — ქართველი მოჭადრაკე, დიდოსტატი ქალთა შორის (1976), სსრკ სპორტის დამსახურებული ოსტატი (1971).
 ნანა ალექსანდრია, 1970 | |
| სახელი | ნანა ალექსანდრია |
|---|---|
| ქვეყანა (სპორტი) |
 სსრკ საქართველო |
| ეროვნება | ქართველი |
| დაბადების თარიღი | 13 ოქტომბერი, 1949 |
| დაბადების ადგილი | ფოთი, საქართველოს სსრ |
| წოდება | დიდოსტატი ქალთა შორის (1976) |
| ფიდე რეიტინგი | 2342 (სექტემბერი, 2014) |
| მაქსიმალური რეიტინგი | 2415 (1988) |
| ჯილდოები და პრემიები | საპატიო ნიშნის ორდენი და სსრკ სპორტის დამსახურებული ოსტატი |
ბიოგრაფიარედაქტირება
1972 წელს დაამთავრა თსუ-ის დასავლეთ ევროპის ენებისა და ლიტერატურის ფაკულტეტი. თბილისის ბ. ძნელაძის სახელობის პიონერთა სასახლის (ამჟამად საქართველოს მოსწავლე-ახალგაზრდობის ეროვნული სასახლე) აღმზრდელი (მწვრთნელი ვ. ქარსელაძე, 1966 წლიდან — ბ. გურგენიძე). სსრკ (1966, 1968, 1969) და საქართველოს (1964, 1965, 1968) ჩემპიონი. I ადგილი დაიკავა თბილისის (1968), ბელგრადის (1969), ვეიკ-ან-ზეეს (1970) ქალთა საერთაშორისო ტურნირებში, ევროპის ქვეყნების ჩემპიონთა თასის გათამაშებაში (ვრნიაჩკა-ბანია, 1970), საზონათშორისო ტურნირში (ოჰრიდი, 1971), ქალთა IV და VI საჭადრაკო ოლიმპიადაში (1969, 1974). მსოფლიო პირველობის 1969-1972 ციკლის III პრიზიორი და მსოფლიო პირველობის 1972-1975 ციკლის პრეტენდენტი. აქტიური, პოზიციური სტილის მოჭადრაკე. 1986 წელს აირჩიეს ფიდეს ქალთა კომისიის თავმჯდომარედ. 1979 წლიდან ოლიმპიური რეზერვის (1991 წლიდან ვ. ქარსელაძის სახელობის ჭადრაკის) სკოლის დირექტორია.
ალექსანდრია იყო საქართველოს მოჭადრაკე ქალთა ნაკრები გუნდის კაპიტანი, რომელიც ქალთა საჭადრაკო ოლიმპიადებზე მანილაში (ფილიპინები, 1992) და მოსკოვში (1994) ოლიმპიური ჩემპიონი გახდა. მიღებული აქვს სახელმწიფო ჯილდოები.
ნანა ალექსანდრიას ჰყავს მეუღლე — არქიტექტორი ლევან ბოკერია და ერთი შვილი — საქართველოს ეროვნული უშიშროების საბჭოს ყოფილი მდივანი გიგა ბოკერია.
ფესტივალირედაქტირება
2005 წლიდან ქალაქ ფოთში ტარდებოდა ჭადრაკის ყოველწლიური საერთაშორისო ფესტივალი, რომელიც ნანა ალექსანდრიას სახელს ატარებდა. 2016 წელს ფესტივალს სახელი შეუცვალეს და „ფოთის საერთაშორისო ფესტივალი“ დაარქვეს.[1] ფოთის საჭადრაკო სკოლის დირექტორმა, დავით კოდუამ, ალექსანდრიას სახელის ამოღება ქალაქის სახელის წინ წამოწევის სურვილით ახსნა. ერთიანი ნაციონალური მოძრაობის წარმოამდგენლების მტკიცებით ფესტივალისთვის სახელის გადარქმევას პოლიტიკური მოტივი აქვს, რადგან ალექსანდრია ენმ-ის საგარეო ურთიერთობათა მდივნის, გიგა ბოკერიას დედაა.[1]
გალერეარედაქტირება
ნანა ალექსანდრია 1970 წელს
ნანა ალექსანდრია 1979 წელს რიო-დე-ჟანეიროში
ნანა ალექსანდრია და ნონა გაფრინდაშვილი (მარჯვნივ) 1980 წელს ვალეტაში
რესურსები ინტერნეტშირედაქტირება
შეგიძლიათ იხილოთ მედიაფაილები თემაზე „ნანა ალექსანდრია“ ვიკისაწყობში.- ნანა ალექსანდრია — ფიდეს ჩანაწერი (ინგლისური)
- ნანა ალექსანდრია — თამაშების არქივი Chessgames.com-ზე (ინგლისური)
- ნანა ალექსანდრია — ქართული სპორტის სტატისტიკა
ლიტერატურარედაქტირება
- ქართული საბჭოთა ენციკლოპედია, ტ. 1, თბ., 1975. — გვ. 296.
- გიორგაძე თ., ენციკლოპედია „საქართველო“, ტ. 1, გვ. 101, თბ., 1997.